Znajści
Ałharytmičny łacinski varyjant
01.04.2023 / 09:554RusŁacBieł

U papraŭčaj kałonii ŭ Hłybokim buduć šukać staradaŭnija freski

U budynku byłoha klaštara bazyljanaŭ u Hłybokim, u jakim raźmieščanaja papraŭčaja kałonija №13, chočuć znajści staradaŭnija freski.

Daččynaje kamunalnaje ŭnitarnaje pradpryjemstva «Upraŭleńnie kapitalnaha budaŭnictva Hłybockaha rajona» ŭ intaresach papraŭčaj ustanovy «Papraŭčaja kałonija №13» DVP MUS pravodzić zakupku pasłuh pa vykanańni prajektna-pošukavych rabot dla vyjaŭleńnia mahčymych manumientalnych rośpisaŭ, histaryčnych malunkaŭ ci inšych aŭtarskich tvoraŭ na pomniku architektury «Žyły budynak byłoha manastyra bazyljan (1756-1763 hh.)», paviedamlajuć «Narodnyja naviny Viciebska».

Prykładna ŭ 1643 hodzie ŭ Bieraźvieččy Iosif Korsak zasnavaŭ unijacki manastyr ordena bazyljanaŭ. U 1756-1763 hadach zamiest draŭlanych pabudoŭ pieršapačatkovaha manastyra byŭ uźviedzieny kamienny bujnamaštabny kompleks.

U 1939 hodzie ŭ kompleksie raźmiaściłasia turma NKUS, nacysty vykarystoŭvali manastyr dla kancłahiera. Paśla vyzvaleńnia BSSR ad akupantaŭ tut u 1945 hodzie znoŭ adkryli turmu №2. U 1955 hodzie turmu začynili, a na jaje bazie adkryli śpiecyjalny łahierny punkt №13 MUS BSSR, jaki znachodziŭsia na ŭtrymańni MUS SSSR.

Dakumientacyjaj zakupki praduhledžvajucca navukova-pošukavyja raboty dla vyjaŭleńnia mahčymych manumientalnych rośpisaŭ, vyjaŭleńnie histaryčnych malunkaŭ ci inšych aŭtarskich tvoraŭ žyvapisu.

Termin vykanańnia rabot — z 21 krasavika pa 21 červienia. Ich aryjencirovačny košt 27 254 rubli 95 kapiejek. Finansujecca zakupka za košt respublikanskaha biudžetu.

Čytać taksama:

Bieraźviečča. U miescy, palitym kryvioj tysiač achviaraŭ savieckaha i nacysckaha režymaŭ, i siońnia pakutujuć biaźvinnyja ludzi 

Aŭtar źniščanaj freski ŭ Sołach — biełaruski kłasik Piotra Sierhijevič. Krajaznaviec znajšoŭ dokaz hetaha

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Priedsiedatiel obŝiestva cienitielej vysokoho iskusstva/adkazać/
01.04.2023
Tam zeki talenavityja, panamalavali. Vy ž zazirnicie ŭ kramu, što pry toj kalonii, afihiejecie.
2
Kościk sa stancyi Kruleŭščyna/adkazać/
01.04.2023
Juzik sa stancyi Kruleŭščyna, u klaštary musili być ropisy. Časta raśpisvali, naprykład, refektarze, ci pa-prostamu kažučy, stałoŭki.
1
Studient/adkazać/
01.04.2023
Juzik viernułsia! A to už dumałoś čto eto on a kočieharkie….
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031