U namieśnika Kijeva-Piačerskaj Łaŭry pravodziać vobšuk. Jamu ŭručyli padazreńnie
Namieśnik Łaŭry mitrapalit Pavieł (Lebiedź) zajaviŭ, što Słužba biaśpieki 1 krasavika pravodzić u jaho domie pieratrusy i ŭručyła padazreńnie.
Mitrapalit Pavieł. Skrynšot ź videa
Pavodle źviestak Lebiedzia, jamu ŭ subotu a 7:30 uručyli padazreńnie. Jon dadaŭ, što ŭ jaho domie pravodziać pieratrusy, piša «Ukrainskaja praŭda».
Pa danych krynic UP, padazreńni ŭručanyja pa artykułach 161 KK «Parušeńnie raŭnapraŭja hramadzian u zaležnaści ad ich rasavaj, nacyjanalnaj prynaležnaści, relihijnych pierakanańniaŭ, invalidnaści i pa inšych prykmietach» i 436 «Prapahanda vajny».
Sa słoŭ Paŭła, SBU jamu skazała, što jon «praklinaŭ prezidenta».
U sakaviku 2023 hoda Nacyjanalny zapaviednik «Kijeva-Piačerskaja łaŭra» razarvaŭ damovu z UPC MP ab biaspłatnym karystańni Łaŭraj u Kijevie. Manachi pavinny byli pakinuć manastyr i ŭsie budynki 29 sakavika. Ale mitrapalit Pavieł zajaviŭ, što jany hetaha rabić nie buduć.
Čytać taksama:
Va UPC pryhrazili Zialenskamu «božaj karaj» z-za vysialeńnia manachaŭ z Kijeva-Piačerskaj łaŭry
UPC Maskoŭskaha patryjarchatu admaŭlajecca sychodzić z Kijeva-Piačerskaj łaŭry
UPC Maskoŭskaha patryjarchatu da kanca sakavika musić pakinuć Kijeva-Piačerskuju łaŭru
