Znajści
Ałharytmičny łacinski varyjant
31.03.2023 / 17:5649RusŁacBieł

«Kab byli ŭ čystym, biez prykmiet pjanki i hladzieli na ekran». Pracoŭnyja raskazali, jak ich fatahrafavali za prahladam Łukašenki

Słuchać Łukašenkava pasłańnie musili nie tolki źviezienyja ŭ Pałac Respubliki pravieranyja kadry, ale i pradstaŭniki pracoŭnych kalektyvaŭ, studenty, školniki i navat dzieci na kaleniach u maci. Ich sabrali la kampjutaraŭ dy televizaraŭ, niekatorym navat vydali novuju formu.

U Homieli daktary centralnaj dziciačaj kliničnaj palikliniki słuchali Łukašenku z paviazkami na tvarach Fota: t.me/VOkanal

Pra toje, jak ludziej mabilizavali słuchać Łukašenku, raspavioŭ «Našaj Nivie» pracaŭnik pradpryjemstva z Hrodzienskaj vobłaści.

Pa jaho słovach, ranicaj 31 sakavika pa bryhadach prabieh namieśnik hienieralnaha dyrektara pa ideałohii i zahadaŭ vybrać achvotnych pasiadzieć u jaho kabiniecie.

«Skazaŭ, kab byli ŭ čystaj pracoŭnaj adziežy i nie było asob, na tvarach jakich zastalisia prykmiety ŭčarašniaj pjanki. Dadaŭ, što buduć fatahrafavać i kab nie hladzieli na fatohrafa, a tolki na ekran. Kali budzie himn, kab nie zabylisia ŭstać. Ideołah paabiacaŭ adhuł», — adznačyŭ pracaŭnik.

Jon kaža, što supracoŭnik administracyi byŭ razhubleny.

Pracaŭnikam Mazyrskaha mašynabudaŭničaha zavoda dla pryhožych fotazdymkaŭ z Łukašenkavaha pasłańnia vydali novaje śpiecadzieńnie. 

Mazyrskich mašynabudaŭnikoŭ prycharašyli. Fota: https://t.me/mozyr_news

Tak słuchali Łukašenku ŭ Škłovie. Fota: t.me/shklovinfo

Delehacyi z rehijonaŭ u Minsk vypraŭlalisia aŭtobusami nočču 31 sakavika arhanizavanymi hrupami.

«Pakul kryčaŭcy spali, delehacyja rajona na čale sa staršynioj rajvykankama Andrejem Sudziakovym užo nakiravałasia ŭ Minsk, kab pačuć pasłańnie Łukašenki», — jak pra podźvih napisała kryčaŭskaja rajonka.

Kryčaŭskaja delehacyja vypraŭlajecca słuchać Łukašenku. Fota: t.me/krichevsmi

Fotazdymki z zadavolenymi ŭdzielnikami schodu navadnili praŭładnyja telehram-kanały. Pa pryjeździe kožnaja delehacyja dla spravazdačy fatahrafavałasia la instalacyi z abviestkaj ab vystupie Łukašenki.

Za tym, kab aŭdytoryja ŭvažliva słuchała Łukašenku, pavinien byŭ sačyć adkazny. Fota: t.me/narayuone

Telehram-kanały rajonak stali pisać, što vystup Łukašenki słuchajuć pracoŭnyja kalektyvy. Na vykładzienych fota pracaŭniki pakazušna siadziać u kabinietach kiraŭnikoŭ i aktavych załach. Za imi pryhladaŭ adkazny za prahlad. Jon siadzić asobna i taksama hladzić u kampjutar.

Łukašenku pryvučajuć słuchać z malenstva. Fota: t.me/mozyr_news

Kab hladackaja aŭdytoryja była bolš raznastajnaj, u Mazyry pasadzili pierad televizaram hladzieć na Łukašenku žančynu ŭ dekrecie. Dzicia hladzieła jaho vystup razam z maci na kaleniach.

Łukašenkava pasłańnie hladziać u Homieli. Fota: t.me/narayuone

Słuchać Łukašenku pryviali i dziaciej. Naprykład, u Homielskim rajonie jaho pramovu hladzieła dvoje vučniaŭ Michalkoŭskaj škoły. Fota ź imi źjaviłasia ŭ telehram-kanale rajonnaha adździeła adukacyi.

 

Dvoje vučniaŭ viaskovaj škoły z Homielskaha rajona słuchajuć Łukašenkavu pramovu. Fota: t.me/gomregion_raisovet

Hety ž telehram-kanał napisaŭ, što pracoŭny kalektyŭ Kraśnienskaj dziciačaj škoły mastactvaŭ padtrymlivaje tezis Łukašenki, što śvietu patrebny mir, a siońnia važnyja pytańni naładžvańnia supracoŭnictva z usimi, chto ŭ hetym zacikaŭleny. 

Supracoŭnicy škoły mastactvaŭ z Homielskaha rajona na pasłańni Łukašenki. Fota: t.me/gomregion_raisovet

Va ŭniviersitetach na Łukašenkava pasłańnie sabrali ŭ aktavych załach aktyŭ BRSM. Jak apavioŭ adzin z udzielnikaŭ, napačatku byŭ instruktaž, jak siabie pavodzić. Hałoŭnaje było ŭvažliva hladzieć u televizar i nie vydavać abyjakavaści.

Studenty Bresckaha ŭniviersiteta imia Puškina hladziać vystup dyktatara. Fota: t.me/bvnby

«Naša Niva» — bastyjon biełaruščyny

PADTRYMAĆ

Čytajcie taksama:

«Ja pra heta nastojliva vioŭ pieramovy z Pucinym». Łukašenka pra namier raźmiaścić jadziernuju zbroju

Łukašenka adkazaŭ, na kaho hatovy abmianiać palitviaźnia Pačobuta

Łukašenka: Rasijskija vojski nas nie zachapili, ja ich siudy pryvioŭ i imi kiruju

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Profajler/adkazać/
01.04.2023
Nu, śledy včierašniej pjanki tam skryvať nie stali, da eto i nievozmožno.
1
žestačajše miakkaja dyktatarka/adkazać/
01.04.2023
škada ludziej... asabliva na pieršym fota
u ich ciažkaja vymotvajučaja praca
im by bolš spryjalnyja ŭmovy pracy, zarpłaty... a nie voś heta voś usio
0
Žvirblis/adkazać/
01.04.2023
Paśla takich prahladaŭ jany ŭsich vylakujuć. Niehatyŭ ža zaŭždy šukaje vyjście... A kolki jany jaho atrymali ? Žach! Darečy, ŭ jakich adzinkach vymiarajecca niehatyŭ i pa jakoj škale ? Psicholahi pavinny viedać...
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera