Na miažy Hiermanii i Niderłandaŭ zatrymali biełarusa z 300 tysiačami jeŭra
Sproba kantrabandy bujnoj sumy hrošaj była spynienaja ranicaj u sieradu 29 sakavika. Vartavyja paradku pravieryli na stancyi horada Bad-Bientchajm 38-hadovaha pasažyra ciahnika, jaki ruchaŭsia ź Niderłandaŭ u bok Bierlina, paviedamlaje belmir.by.
Fota: niamieckaja palicyja
Na pytańnie, ci maje jon pry sabie zbroju, narkotyki abo hrašovuju sumu ŭ pamiery 10 tysiač jeŭra i bolš, jakaja padlahaje dekłaravańniu, naš suajčyńnik, jaki paćvierdziŭ svaju asobu sapraŭdnymi pašpartam i vizami, adkazaŭ admoŭna.
Adnak pry nadhladzie bahažu pravaachoŭniki vyjavili ŭ sumcy dla tualetnych pryładaŭ niekalki pačkaŭ banknot, a ŭ spartyŭnaj sumcy — dva puchłyja płastykavyja pakiety, nabityja kupiurami.
Hrošy byli kanfiskavany, raspačata kryminalnaja sprava pa padazreńni ŭ admyvańni hrošaj, pravodzicca rasśledavańnie.
Čytajcie taksama:
Na litoŭskaj miažy zafiksavali novy rekord cyharetnaj kantrabandy ź Biełarusi
Litoŭcy zatrymali rekordnuju kantrabandu cyharet ź Biełarusi — na 2,6 młn jeŭra
Łatvijskija pamiežniki vyłavili ŭ Dźvinie kantrabandnyja biełaruskija cyharety. 150 tysiač štuk
