Na kirmašy ŭ Minsku možna budzie pačastavacca supam ad Tadevuša Kandrusieviča
2 krasavika, u Palmavuju niadzielu ŭ parafii śviatoha Jana Jevanhielista i śviatoha Maksimiljana Kolbe ŭ Minsku ŭžo ŭ piaty raz adbudziecca dabračynny Vierbny kirmaš, paviedamlaje Catholic.by.
Fota Vitala Palinieŭskaha
Na hetym kirmašy ŭsie achvotnyja zmohuć nabyć roznyja vyraby, zroblenyja rukami parafijan: ad tradycyjnych vierbačak i vielikodnaha piečyva da vyrabaŭ z kieramiki i vyšyvanak. Arhanizatary prajavili kreatyŭnaść i abiacajuć šmat pryjemnych siurpryzaŭ.
Na kirmašy, miž inšym, možna budzie pačastavacca «supam ad arcybiskupa Tadevuša Kandrusieviča». U čym jaho sakret — pieršymi daviedajucca tyja, chto naviedaje dabračynny Vierbny kirmaš.
Dzieciam prapanujuć śpiecyjalnuju prahramu.
Akramia taho, budzie pravodzicca biasprojhryšnaja łatareja, jakaja zvyčajna vyklikaje vialikuju zacikaŭlenaść, bo ŭ joj možna vyjhrać kaštoŭnyja i prosta pryjemnyja pryzy. Rozyhryš supierpryzoŭ adbudziecca ŭ 15.30.
Kirmaš projdzie kala kaplicy na vuł. Matusieviča, 80.
Čas pracy: z 8.30 da 18.00.
Sabranyja padčas kirmašu achviaravańni buduć skiravanyja na budaŭnictva parafijalnaha kaścioła.
Čytajcie taksama:
Adstaŭka Zavalniuka — umova viartańnia Čyrvonaha kaścioła
Arcybiskupu Kandrusieviču vydalili puchlinu
Papa Francišak pamaliŭsia za mir va Ukrainie pierad biełaruskim abrazom
