Znajści
Ałharytmičny łacinski varyjant
28.03.2023 / 14:581RusŁacBieł

Identyfikacyju imhniennych płaciažoŭ pa numary telefona adkłali

Banki abaviazanyja zabiaśpiečyć fizičnym asobam mahčymaść imhniennych płaciažoŭ z vykarystańniem identyfikacyi pa numary telefona z 1 studzienia 2024 hoda. Raniej płanavałasia, što heta adbudziecca z 1 krasavika 2023 hoda, paviedamili ŭ Nacbanku. Pieranos zamacavany adpaviednaj pastanovaj rehulatara.

U bankaŭ źjaviŭsia dadatkovy čas dla dapracoŭki mabilnych dadatkaŭ i mier pa zabieśpiačeńni efiektyŭnaj i nadziejnaj pracy imhniennych płaciažoŭ.

Z 4 krasavika hetaha hoda pa hatoŭnaści sistem banki ŭžo mohuć pradastaŭlać fizičnym asobam pasłuhu imhniennych płaciažoŭ z vykarystańniem identyfikatara praz numar telefona.

Sistema imhniennych płaciažoŭ ukaranionaja z 1 lipienia 2019 hoda. U Nacbanku adznačajuć, što ciapier jana ŭ asnoŭnym zapatrabavanaja jurasobami. U 2022 hodzie ŭ sistemie imhniennych płaciažoŭ praviedziena 234,6 tys. płaciažoŭ jurydyčnych asob na sumu 5 młrd rubloŭ.

Uvosień 2022 hoda Nacbank zaćvierdziŭ praviły i Paradak funkcyjanavańnia sistemy imhniennych płaciažoŭ i ich praviadzieńnia.

Dakumientam, u pryvatnaści, praduhledžvajecca, što imhniennyja płaciažy fizičnych asob na karyść inšych fizičnych asob unutry krainy pavinny pravodzicca z vykarystańniem servisu infarmacyjnaj padtrymki. Heta značyć, na padstavie płaciežnych ukazańniaŭ, pieradadzienych u bank z dapamohaj prahramy na smartfonie abo płanšecie klijenta.

U minułym hodzie dla fizičnych asob raspracavany novy servis infarmacyjnaj padtrymki imhniennych płaciažoŭ z vykarystańniem identyfikatara (numary telefona), vyklučany štodzionnyja rehłamientnyja pierapynki ŭ pracy sistemy i h. d.

Čytajcie taksama:

Źniešni doŭh Biełarusi na 1 studzienia skłaŭ 26,94 młrd dalaraŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Looser for /adkazać/
28.03.2023
Etim novovviedienimie połožili vsie intierniet płatieži,žałob mnoho ot ludiej poetomu i otłožili na pozžie vniedrienije etoj zombi funkcii.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera