Pravaabaroncy pryznali palitviaźniami dvuch žurnalistaŭ
Palitviaźniami pryznanyja Pavieł Padabied i Viačasłaŭ Łazaraŭ.
Im inkryminujuć «sadziejničańnie ekstremisckaj dziejnaści». Pravaabarončyja arhanizacyi ličać spravy žurnalistaŭ palityčna matyvavanymi i patrabujuć vyzvaleńnia.
Padabied — videaapieratar, jaki supracoŭničaŭ ź niezaležnymi ŚMI. Zatrymańnie adbyłosia 20 studzienia sioleta. Spačatku byli 15 sutak aryštu «za raspaŭsiudžvańnie ekstremisckich materyjałaŭ», a paśla stała viadoma pra kryminalnuju spravu. Paŭła Padabieda pieraviali ŭ SIZA №1.
Łazaraŭ — žurnalist-fryłansier, jakoha ŭžo zatrymlivali ŭ 2020 hodzie padčas aśviatleńnia pratesnych akcyj. Jaho zatrymali 9 lutaha 2023 hoda ŭ Viciebsku paśla praviadzieńnia pieratrusu ŭ jaho doma, padčas jakoha byli zabranyja mabilnyja telefony i videakamiera. Była raspačataja kryminalnaja sprava.
U Biełarusi, pavodle «Viasny», 1467 palitviaźniaŭ, ale realnaja ličba bolšaja.
