Znajści
Ałharytmičny łacinski varyjant
27.03.2023 / 20:421RusŁacBieł

Navukoŭcy stvaryli preparat, jaki dazvalaje jeści sałodkaje i nie taŭścieć

Paddoślednyja myšy zastalisia chudymi pry doŭhim i častym užyvańni vysokakałaryjnaj ježy.

Navukoŭcy z Centra miedycynskich navuk Univiersiteta Techasa ŭ San-Antonia, a taksama daśledčyki ź Piensilvanskaha i Karnielskaha ŭniviersitetaŭ stvaryli preparat, jaki praduchilaje atłuścieńnie i niehatyŭnyja źmieny piečani ŭ myšej, jakich usio žyćcio karmili vysokakałaryjnaj ježaj. Vyniki daśledavańnia apisvajucca ŭ artykule, apublikavanym u navukovym časopisie Cell Reports.

Daśledčyki vyśvietlili, što lišak mahniju zapavolvaje vypracoŭku ATF u mitachondryjach. Vydaleńnie hiena MRS2, jaki nieabchodny dla transparciroŭki mahniju ŭ arhaniźmie, pryviało da bolš efiektyŭnaha mietabalizmu cukru i tłušču. U vyniku paddoślednyja žyvioły stali bolš strojnymi. Ich piečań i tłuščavyja tkanki nie pakazali prykmiet tłuščavaj chvaroby piečani, jakaja źjaŭlajecca pry niapravilnym charčavańni, atłuścieńni i dyjabiecie druhoha typu.

Dla taho, kab paŭtaryć padobny efiekt, daśledčyki raspracavali preparat CPACC, jaki abmiažoŭvaje pastupleńnie mahniju ŭ mitachondryi. Myšy, jakich karmili ježaj ź pieravahaj cukru i tłušču, zastavalisia chudymi paśla ŭviadzieńnia hetaha ekśpierymientalnaha preparatu.

«CPACC zdolny źnizić ryzyku takich kardyjamietabaličnych zachvorvańniaŭ, jak infarkt i insult, a taksama źnizić ryzyku zachvorvańnia na rak piečani, jaki časta ŭźnikaje z pryčyny tłuščavaj chvaroby piečani», — zajaŭlajuć daśledčyki, praciahvajučy ŭdaskanalvać efiekt ad preparatu.

Nahadajem, što navukoŭcy šlacham ekśpierymientaŭ na myšach apošnim časam zmahli dabicca značnych pośpiechaŭ pa roznych napramkach daśledavańniaŭ. Naprykład, stała mahčymym spynić u myšej praces stareńnia, paśpiachova vyprabavać preparat dla amal poŭnaha praćvieražeńnia ad ałkaholu i navat stvaryć zdarovaje patomstva tolki ad dvuch myšej-samcoŭ.

Čytajcie jašče:

«Daktary skazali, što ja nie žylec». Biełarus važyŭ 183 kiłahramy i vyrašyŭsia ŭšyć straŭnik. Jak dapamahło?

Štodzionnaje spažyvańnie adnoj i toj ža ježy moža vyklikać depresiju

Što zdarycca z vašym ciełam, kali štodzień jeści hrušy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Andr/adkazać/
28.03.2023
Mahčyma i nie pataŭścieješ, "vučonyja" nakruciać-navydumlajuć, kab vyciahnuć z vas zialonieńkija na ich novyja majontki i buhaci, ale zdaroŭje ŭsio roŭna sapsuješ, niedzie hetaja "ieža" vylezie...
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera