Znajści
Ałharytmičny łacinski varyjant
26.03.2023 / 14:322RusŁacBieł

«Prylataje koptar z zapiskaj «Idzi za mnoj!» Ukrainskija vajskoŭcy z dapamohaju drona vyvieli žančynu z-pad abstrełu pad Iziumam

Uletku 2022 hoda ŭkrainskija vajskoŭcy zmahli dystancyjna vyvieści žančynu z-pad rasijskaha abstrełu. Historyja adbyłasia niepadalok ad Iziuma, jaki na toj momant byŭ akupavany rasijskimi vojskami, piša «Nastojaŝieje vriemia».

Vyratavać z dapamohaju drona Valeryju Panamarovu zmahli bajcy 93-j bryhady «Chałodny Jar». Skryn videa

Žančynu, jakuju vyratavaŭ kvadrakoptar, kličuć Valeryja Panamarova, da vajny jana žyła ŭ Danieckaj vobłaści. Nieŭzabavie paśla pačatku vajny jana razam z mužam vyjechała z Kijeva na mašynie ŭ bok Bachmuta, kab evakujavać baćkoŭ muža. Ni mabilnaj suviazi, ni navihatara ŭ muža i žonki nie było.

U Charkaŭskaj vobłaści, pad Iziumam (horad tady byŭ akupavany rasijskimi vojskami), pa ich aŭtamabili pačali stralać rasijanie. Muž byŭ paranieny, a Valeryja, pavodle jaje słoŭ, apynuŭšysia pad abstrełam, prosta nie viedała, što joj rabić.

«Ja pačała dastavać rečy i pieraviazvać jaho: švedrami, džynsami, kab spynić niejak kryvaciok, — raspaviadaje Panamarova. — Potym ja ŭžo ŭbačyła, što jamu ŭ hałavu patrapili. Jon straciŭ prytomnaść, a potym ačuniaŭ: pytaŭsia, dzie my, što zdaryłasia».

Niepadalok ad miesca rasstrełu ŭ hety čas pralataŭ kvadrakoptar ukrainskich vajskoŭcaŭ. Ź jaho dapamohaj USU ŭbačyli, što rasijskija vajskoŭcy, jakija adkryli ahoń pa aŭtamabili, užo rušyli ŭ bok mašyny. Jany vyrašyli pasprabavać dystancyjna dapamahčy ludziam vybracca ź niebiaśpiečnaha miesca.

«Kvadrakoptar prylacieŭ, jon mnie niešta pakazvaŭ, ale ja nie razumieła, — raspaviadaje Valeryja. — Ja pakazvała na Andreja, stajała na kaleniach i kryčała «Ratujcie!» Potym koptar palacieŭ i prylacieŭ z zapiskaj na ŭkrainskaj: «Idzi za mnoj».

Valeryja davieryłasia i pajšła za koptaram, spadziejučysia ź jaho dapamohaj pryvieści dapamohu da paranienaha muža. Jana pryhadvaje, što, pakul jana išła, navokał hučali vybuchi. Ale apieratar drona zmoh pravieści žančynu pad abstrełami tak, kab abyści ŭsie miny, jakija lažali na darozie.

Praź niekalki chvilin Valeryja dabrałasia da pazicyj ukrainskich vajskoŭcaŭ.

U hety čas rasijskija vajskoŭcy ŭžo padyšli da jaje muža Andreja. Mužčyna byŭ biez prytomnaści praz stratu kryvi, i mienavita heta jaho i vyratavała: rasijanie padumali, što Andrej užo miortvy, i skinuli jaho ŭ jamu la darohi. Tam jon pralažaŭ bolš za sutki.

«Ja pračnuŭsia ad taho, što doždž lje i mnie choładna. Ja ŭbačyŭ svaju mašynu rasstralanuju i papoŭz tudy, — raspaviadaje Andrej Bahamaz. — Vykinuŭ usio z bahažnika, loh u bahažnik i lažaŭ. Kolki ja tam lažaŭ, ja nie viedaju».

Andrej uzhadvaje, što, kali jon aprytomnieŭ, to nočču zmoh dajści da pazicyj ukrainskich vajskoŭcaŭ: prosta nakiravaŭsia ŭ toj bok, adkul pryjechaŭ. Tam jaho adrazu pieradali miedykam.

«Pakul jašče švy nie źniali, płaścinu tolki pastavili ŭ hałavu. Astatnija askołki jašče pakul nie vymali, kab hłyboka nie rezać. A tyja, što blizka padychodziać, ich potym vydalajuć», — raspaviadaje Andrej.

Uvosień minułaha hoda, kali sam horad Izium i jaho ŭskrainy ŭ Charkaŭskaj vobłaści byli deakupavany, ukrainskija palicyjanty znajšli rasstralany aŭtamabil muža i žonki: jon stajaŭ prama pasiarod darohi.

Śledčym udałosia adnavić detali hetaj historyi. Jany ličać, što ahoń pa siamiejnaj pary, jakaja jechała ŭ hramadzianskim aŭtamabili, adkryŭ 26-hadovy žychar Maskvy Klim Karžajeŭ, staršy lejtenant, kamandzir motastrałkovaj roty US RF. Ukrainskaja palicyja apublikavała pierachop telefonnaj razmovy vajskoŭca sa svajoj žonkaj: jon adbyŭsia ŭ dzień rasstrełu.

«A ja ludziej, čałavieka siońnia zabiŭ», — pryznajecca vajskoviec u hetaj razmovie.

«Ty zabiŭ? Jakoha, chachła?» — pytaje jaho žonka.

«Dy chto jaho viedaje, — adkazvaje vajskoviec. — Karaciej, mašyna jechała, ja jak p***anuŭ z BMP. Žančyna vyžyła, mužyk — nie».

Na Karžajeva va Ukrainie zaviali spravu: za sprobu zabojstva jamu pahražaje da 15 hadoŭ turmy.

«Našy kalehi za miažoj abaviazany hetuju asobu aryštavać i pieradać kampietentnym orhanam našaj dziaržavy, — zaŭvažaje prakuror Charkaŭskaj vobłaści Alaksandr Filčakoŭ. — Heta značyć pieradać jaho nam dla nastupnaha asudžeńnia».

Ab historyi vyratavańnia pry dapamozie drona źniaŭ dakumientalny film «Idzi za mnoj» ukrainski kinarežysior Lubamir Lavicki. U im havorycca, što vyratavalnuju apieracyju zmahli pravieści bajcy 93-j bryhady «Chałodny Jar».

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Žiertva aborta/adkazać/
26.03.2023
Karaciej, mašyna jechała, ja jak p***anuŭ z BMP © Tipičnyj russkij. Prosto tak riešił postrielať po randomnoj mašinie s lud́mi iz BMP. I eto javno on nie odin takoj.
0
Bakunin/adkazać/
26.03.2023
Žiertva aborta, i žiena jeho takoje łajno. vsie oni nieludi. 
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera