ZŠA: Padtrymka demakratyčnaj, suvierennaj i stabilnaj Biełarusi tryvała ŭkaranionaja ŭ kaštoŭnaściach našaj nacyi
Złučanyja Štaty pryśviačajuć siońniašni dzień svabodzie palitźniavolenych i «ŭsich biełarusaŭ, jakija zasłuhoŭvajuć stvarać svaju ŭłasnuju budučyniu, volnuju ad represij» i «pucinskaha prymusu», zajaviŭ hałoŭny namieśnik pres-sakratara Dziarždepa ZŠA Viedant Patel.
Viedant Patel. Fota: news.ucr.edu
«Niahledziačy na saŭdzieł režymu Łukašenki ŭ vajnie Rasii suprać Ukrainy, śmiełyja biełarusy praciahvajuć vystupać za niezaležnuju, stabilnuju i demakratyčnuju budučyniu Biełarusi», — adznačyŭ amierykanski čynoŭnik.
Pavodle jaho słoŭ, «pierad abliččam žorstkaha i sistematyčnaha padaŭleńnia režymam Łukašenki ŭsich słajoŭ biełaruskaha hramadstva biełaruski demakratyčny ruch i hramadzianskaja supolnaść pa-raniejšamu mužna ruchajucca napierad za svabodnuju Biełaruś».
Patel nahadaŭ pra novyja sankcyi suprać režymu Łukašenki, a taksama «zachady pa ŭzmacnieńni padtrymki demakratyčnaj Biełarusi» i płany stratehičnaha dyjałohu z «demakratyčnym rucham i hramadzianskaj supolnaściu».
Čytajcie taksama:
Cichanoŭskaja prapanavała stvaryć u Harvardzie stypiendyju dla biełarusaŭ
Cichanoŭskaja: My prosim vyratavać Biełaruś ad Łukašenki
Ivonka Surviła: Ja vielmi zadavolenaja, kali baču, što Cichanoŭskuju prymajuć i słuchajuć
