Znajści
Ałharytmičny łacinski varyjant
27.03.2023 / 10:129RusŁacBieł

«Takich «Aŭdzi» amal nie zastałosia». Pa jakich cenach biełarusy pradajuć narodnyja aŭtamabili

Niekatoryja aŭtamabili ŭ Biełarusi, jak vino, z hadami tolki daražejuć. I tyčycca heta nie tolki limitavanych viersij z abmiežavanym vypuskam, a zvyčajnych Audi i VW rodam z kanca minułaha stahodździa. Pahladzieli, pa jakich cenach biełarusy pradajuć «narodnyja aŭtamabili» i čym jany abhruntoŭvajuć takija košty.

VW Passat univiersał

Dyzielny «Pasat» u kuzavie ŭniviersał nastolki lehiendarnaja dla Biełarusi mašyna, što navat Lavon Volski pryśviaciŭ joj adnu sa svaich piesień. Samymi narodnymi ličacca «Pasaty» treciaha i čaćviortaha pakaleńniaŭ. Asablivuju luboŭ da hetaj madeli tradycyjna prajaŭlajuć žychary pryhraničnych z krainami ES rehijonaŭ. Tam jaje lubiać u pieršuju čarhu za paliŭny bak na 100 litraŭ.

Samy darahi z narodnych VW Passat pradajecca ŭ Mastach. Cikava, što heta nie B4 apošnich hadoŭ vypusku, a V3 1992 hoda. Za jaho prosiać 4600 dalaraŭ!

Skrynšot z sajta av.by

U apisańni paznačana, što aŭtamabil znachodzicca ŭ vielmi dobrym stanie. Adzin ułaśnik z 2007 hoda. 

Fota: av.by

Pad kapotam u «Pasata» dyzielny ruchavik abjomam 1,9 litra. Zajaŭleny prabieh — 409 tysiač km. Miarkujučy pa fota, stan u mašyny sapraŭdy dobry, ale nazvać hety aŭtamabil kapsułaj času ci muziejnym ekspanatam nielha.

Fota: av.by

Znutry «Pasat» taksama vyhladaje niakiepska dla 31-hadovaha aŭto, ale kali pryhladziecca, to možna zaŭvažyć, što ŭ sałonie niejki viniehret. Piarednija kresły adroźnivajucca ad zadnich koleram i typam materyjału. Abšyŭki dźviercaŭ taksama nie supadajuć pa kolery materyjału ź siadzieńniami.

Audi «bočka»

Na sto dalaraŭ daražej u Žłobinie pradajuć Audi 80 B3 1991 hoda vypusku. Zajaŭleny prabieh aŭtamabila — 428 700 km. Pradaviec 32-hadovaj «bočki» za $4700 zapeŭnivaje, što aŭtamabil znachodzicca nie tolki ŭ vydatnym stanie, ale i ŭ zavodskaj afarboŭcy. 

 Skrynšot z sajta av.by

«Kuzaŭ acynkavany, u rodnaj farbie z zavodskimi pałosami-nalepkami na kuzavie, mašyna nie varanaja, mocnaja, takich «Aŭdzi» vielmi mała ci amal nie zastałosia», — zapeŭnivaje pradaviec.

Fota: av.by

Siarod inšaha, haspadar adznačaje pryhožy koler aŭtamabila, novyja pakryški i niadaŭna projdzieny dziaržtechahlad.

Audi «sihara»

Kali vam zdajecca, što bolš za 4 tysiačy dalaraŭ za aŭtamabili pieršaj pałovy 90-ch — heta too much, to voś vam Audi 100 C3 1989 hoda vypusku za $4200. Taki aŭtamabil pradajuć u Breście.

 Skrynšot z sajta av.by

U apisańni paznačana, što mašyna znachodzicca ŭ dobrym stanie i pradajecca razam z dvuma kamplektami litych dyskaŭ z novymi pakryškami. Pad kapotam u Audi bienzinavy ruchavik abjomam 1,8 litra.

Fota: av.by

Na niekatorych zdymkach bačna, što aŭtamabil maje taniravanyja vokny. Z pryjemnaha možna adznačyć, što čałaviek, jaki budzie hatovy nabyć samuju darahuju Audi 100 u kuzavie S3, zmoža ekanomić na palivie, bo aŭtamabil abstalavany hazavaj ustanoŭkaj.

Dźvie Audi A6 S4 pa 7 tysiač

Inšy narodny aŭtamabil, jaki karystajecca popytam u biełarusaŭ užo nie adno dziesiacihodździe, — Audi A6 S4. Adna ź dźviuch samych darahich «Aŭdzi» ŭ kuzavie S4 pradajecca ŭ Iŭi. Za mašynu 1997 hoda vypusku prosiać 7000 dalaraŭ. 

Mašyna choć i adna z samych darahich, ale kaplektacyja ŭ jaje davoli ścipłaja navat pa mierkach 1997 hoda. Pad kapotam tut 1,9 TDI na 90 k.s.

Fota: av.by

Cikava, što hety pradaviec nie adziny, chto choča atrymać za padobnuju «Aŭdzi» 7 tysiač dalaraŭ. Nastupnaja pa canie mašyna taksama nie daleka adyšła ad samych darahich, jaje cana — $6700.

Skrynšot z sajta av.by

VW T4

Samym narodnym siarod mikraaŭtobusaŭ źjaŭlajecca VW T4. Za samy darahi z vystaŭlennych na prodaž «Tečykaŭ» prosiać 13 500 dalaraŭ. 

Skrynšot z sajta av.by

Pradajecca taki mikraaŭtobus u Hłusku. Zajaŭleny prabieh 23-hadovaha mikraaŭtobusa — 320 tysiač kiłamietraŭ. Pad kapotam u hetaha T4 — dyzielny ruchavik abjomam 2,5 litra.

Fota: av.by

Azdableńnie sałona prościeńkaje, bo heta nie niejkaja tam Caravelle ci Multivan, a zvyčajny Transporter. U apisańni pradaviec adznačaje, što bus znachodzicca ŭ vielmi dobrym stanie.

Čytajcie taksama: 

Navat «karčy» padaraželi na 20-30%. Jak pa nazirańniach pradaŭcoŭ źmianilisia ceny na staryja aŭtamabili 

Paśla pierasiačeńnia biełaruskaj miažy mašyny ź Jeŭropy «hublajuć» dziasiatki tysiač kiłamietraŭ. Jak pradaŭcy padmanvajuć z prabieham aŭto

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
Maksim Dizajnier/adkazać/
27.03.2023
Vašie kriedo - biełaja łada za čiernyj pakiet,

Vsia Moskva katajetsia na Majbachach i śviežich krieditnych Rendžach. Prośnitieś ubohije, poka mchom nie pokryliś. 
0
Kitaj horod/adkazać/
27.03.2023
Maksim Dizajnier, prośpiś i vyjed́ za mkad, maskva nie rovno rośsija.
0
Maksim Dizajnier/adkazać/
30.03.2023
Kitaj horod

Kuda za MKAD?V Borvichu, Rublevskoje šośsie?Kazań, Pietierburh?U russkich dažie v Saratovie takoho h, kak v Minskie, niet. Śviežije Kaliny i Viesty katajutsia.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera