Urad praciahnuŭ zabaronu na vyvaz pramysłovych tavaraŭ
Urad praciahnuŭ zabaronu na vyvaz pramysłovych tavaraŭ. Dakumient aficyjna apublikavany na Nacyjanalnym pravavym internet-partale 24 sakavika.
Fota: OL
«Ustanavić časovuju zabaronu na vyvaz za miežy Respubliki Biełaruś u dziaržavy — členy Jeŭrazijskaha ekanamičnaha sajuza (JEAES) tavaraŭ pa pieraliku zhodna z dadatkam niezaležna ad krainy pachodžańnia», — adznačajecca ŭ dakumiencie.
Taksama ŭvodzicca zabarona na vyvaz tavaraŭ za miežy mytnaj terytoryi JEAES ź Biełarusi ŭ krainy, jakija nie źjaŭlajucca dziaržavami — členami JEAES, tavaraŭ, źmieščanych pad mytnyja pracedury ekspartu, časovaha vyvazu, pierapracoŭki pa-za mytnaj terytoryjaj i reekspartu.
Zabarona nie raspaŭsiudžvajecca na tavary, jakija majuć siertyfikat ab biełaruskim abo rasijskim pachodžańni, jakija vyvoziacca pa ŭzhadnieńni z respublikanskimi orhanami dziaržkiravańnia. Nie buduć zabaronienyja da vyvazu tavary, jakija pieramiaščajucca pamiž častkami terytoryi Rasijskaj Fiederacyi tranzitam praz terytoryju Respubliki Biełaruś, a taksama tavary, jakija vyvoziacca z Respubliki Biełaruś u Rasijskuju Fiederacyju ŭ ramkach Sajuznaj dziaržavy, u tym liku tranzitam praz terytoryi inšych dziaržaŭ.
