Znajści
Ałharytmičny łacinski varyjant
23.03.2023 / 09:2618RusŁacBieł

Vašynhton abjaviŭ «stratehičny dyjałoh» z demsiłami Biełarusi. Što heta značyć i čamu tolki z kanca hoda?

Pra zapusk stratehičnaha dyjałohu było abjaŭlena siońnia na sustrečy Cichanoŭskaj z namieśnicaj dziaržsakratara ZŠA Vendzi Šerman.

Śviatłana Cichanoŭskaja i Vendzi Šerman. Fota: Foto: twitter.com / DeputySecState

21—28 sakavika Śviatłana Cichanoŭskaja znachodzicca ź vizitam u Vašynhtonie. 

Hałoŭnaj admietnaściu ciapierašniaha vizitu stała abjaŭleńnie štohadovaha ŭsiebakovaha stratehičnaha dyjałohu pamiž uradam ZŠA i biełaruskimi demakratyčnymi siłami, jaki płanujecca zapuścić u kancy 2023 hoda. Pra heta było abjaŭlena siońnia na sustrečy Cichanoŭskaj z namieśnikam dziaržsakratara ZŠA Vendzi Šerman.

Amierykanskamu boku patrebny čas, kab padrychtavacca da pačatku dyjałohu, vybudavać hrafik, vyznačyć kankretnyja temy dla abmierkavańnia.

ZŠA buduć pradstaŭlać adpaviednyja viedamstvy ŭrada, jakija zajmajucca Biełaruśsiu, biełaruski bok — palityčnyja lidary demsiłaŭ, pradstaŭniki hramadzianskaj i akademičnaj supolnaści. 

Što buduć abmiarkoŭvać baki? Siarod prablemaŭ — padtrymka niezaležnych ŚMI i hramadzianskaj supolnaści, źmienlivy charaktar umoŭ biaśpieki Biełarusi i vakoł jaje ŭ kantekście vajny Rasii va Ukrainie, a taksama raźvićcio pramych suviaziej pamiž narodami ZŠA i Biełarusi.

Pačatak usiebakovaha dyjałohu ź biełaruskimi demakratyčnymi siłami — heta «mocny votum davieru z boku ZŠA da patencyjału, samaaddanaści i namahańniaŭ demakratyčnych siłaŭ». 

Ahienctva ZŠA pa mižnarodnym raźvićci supracoŭničaje ź biełaruskim narodam ciaham apošnich 20 hadoŭ. «Siońnia USAID padtrymlivaje demakratyčny ruch Biełarusi, niahledziačy na ŭzmacnieńnie represij z boku režymu Łukašenki: my dapamahajem niezaležnym ŚMI, hramadzianskaj supolnaści i pryvatnamu siektaru pradstaŭlać žyćciazdolnyja alternatyvy, jakija zasłuhoŭvajuć davieru, dziaržaŭnym instytutam».

Za apošnija dva finansavyja hady ZŠA vydzielili bolš za 60 miljonaŭ dalaraŭ u vyhladzie zamiežnaj dapamohi na padtrymku niezaležnaj presy, hramadzianskaj supolnaści, pryvatnych biełaruskich pradpryjemstvaŭ.

Čym budzie adroźnivacca novy vitok stratehičnaha dyjałohu ad ciapierašnich adnosin pamiž uradam ZŠA i demakratyčnymi siłami Biełarusi?

«Dahetul adnosiny pamiž demakratyčnymi siłami (ci to Cichanoŭskaja, ci to APK, ci to Kaardynacyjnaja rada) nasili niefarmalny i nierehularny charaktar. Siońnia abjaŭlena pra rehularny dyjałoh pamiž ZŠA i biełaruskimi demakratyčnymi siłami. Heta aznačaje, što ŭvieś dziaržaŭny aparat ZŠA, usie viedamstvy, jakija pracujuć ź Biełaruśsiu, buduć udzielničać u dyjałohu.

Zvyčajna ZŠA vybudoŭvajuć stratehičnyja dyjałohi ź inšymi krainami, a ŭ našym vypadku dyjałoh vybudoŭvajecca mienavita z demakratyčnymi siłami, i heta pavyšaje charaktar hetych adnosinaŭ», — patłumačyŭ pradstaŭnik ambasady ZŠA.

Čytajcie taksama:

Ofis Cichanoŭskaj prakamientavaŭ novy zakon, jaki mohuć pryniać pa biełarusach u Litvie

Cichanoŭskaja pra svoj prysud: Siońnia ja dumaju pra tych, kamu sud daŭ realnyja, a nie zavočnyja terminy

Savinych sprabavaŭ sarvać vystup Cichanoŭskaj pierad PA ABSIE. Ale nie vyjšła, i jon pakinuŭ zału

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
5
American /adkazać/
23.03.2023
da ničieho eto nie značit. administracija Bajdiena nieprofieśsionalnoje niepośledovatielnoje ubožiestvo.
4
dočka Maksima Dizajniera/adkazać/
23.03.2023
ottienki koričnievoho...
1
Valadzimir/adkazać/
26.03.2023
A ja byŭ padumaŭ, što tam abmiarkoŭvaŭsia prajekt biełaruska-amierykanskaha kulinarnaha šou.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera