Źbirajuć hrošy na pratez nahi dla biełarusa — abaroncy Kijeva
Kali Alaksiej Nazaraŭ straciŭ nahu padčas boju, to nie vieryŭ, što vyžyvie. Chłopiec zapisaŭ apošniaje videa, adnak jamu paščaściła. Alaksiej viarnuŭsia na słužbu, ale, kab praciahvać paŭnavartasna vykonvać svaje abaviazki, jamu treba sabrać kala 57 tysiač jeŭra na sučasny pratez.
Arhanizuje zbor na pratez dla Alaksieja Nazarava žurnalist telekanała «Biełsat» Siarhiej Pielasa, robiačy heta pa prośbie pałka Kalinoŭskaha. Zbor viadziecca z dapamohaj polskaha fondu «Braty».
Ź lutaha 2015 hoda Alaksiej Nazaraŭ (pazyŭny «Psichołah») abaraniaŭ Ukrainu na poli boju. Jon pryjechaŭ va Ukrainu ŭ jakaści dobraachvotnika, pastupiŭ na słužbu ŭ połk «Azoŭ» ź inšymi biełarusami, słužyŭ instruktaram. Skončyŭ słužbu pad kaniec 2016 hoda. U cyvilnym žyćci taksama byŭ źviazany z vajskovaj spravaj. Apošnija hady pierad poŭnamaštabnaj vajnoj zajmaŭsia navučańniem taktyčnaj padrychtoŭcy cyvilnaha nasielnictva, rychtavaŭ budučuju terytaryjalnuju abaronu.
Z 24 lutaha 2022 hoda Alaksiej Nazaraŭ razam ź inšymi biełaruskimi vieteranami, jakija raniej abaraniali Ukrainu na Danbasie, viarnuŭsia ŭ vajskovyja šychty. Na pieršym etapie rasijskaj ahresii jon braŭ udzieł u abaronie Kijeŭskaj vobłaści ŭ roznych miescach dysłakacyi.
3 sakavika 2022 hoda ŭ adnym z bajoŭ «Psichołahu» faktyčna adarvała pałovu nahi vyšej kalena. Jon straciŭ nižniuju tracinu biadra. Niahledziačy na ciažkuju ranu i boj, jaki praciahvaŭsia vakoł jaho, jon sam sabie nakłaŭ turnikiety, kab spynić kroŭ, adrezaŭ kavałak nahi i zapisaŭ videazvarot. Dumaŭ, što ŭžo nie vyjdzie žyvym z taho boju. Ale jamu paščaściła, chłopca ŭdałosia evakujavać.
Paśla ranieńnia Alaksiej prajšoŭ stadyju stabilizacyi, apieracyju. Zatym niekatory čas praciahvałasia zažyŭleńnie paškodžanaj kaniečnaści dla padrychtoŭki da dalejšaha pratezavańnia. U pačatku maja 2022 hoda ŭ klinicy pratezavańnia Stecenki ŭ Kijevie (Artotech servis) jon staŭ na pieršasny pratez, vučyŭsia chadzie i prystasoŭvaŭsia žyć pa-novamu. U lipieni 2022-ha jamu pastavili pastajanny pratez.
«Psichołah» maryć viarnucca da paŭnavartasnaj słužby, vučyć novych dobraachvotnikaŭ, dzialicca ź imi svaim dośviedam, mahčyma, navat viarnucca na front. Dla hetaha treba adnavić funkcyi chady i biehu. Siońniašni pratez hetaha nie dazvalaje. Patrebny bolš sučasny, bolš tryvały pratez, stvorany dla aktyŭnaha žyćcia.
Paśla kansultacyj z pratezistami jamu prapanavali varyjant z ustanoŭkaj prateza ściahna modulnaha typu z kalennym vuzłom i elektronnym kiravańniem Ottobock Genium x3 i stupnioj 1Je95. Poŭny košt pavodle rachunka, vystaŭlenaha kijeŭskim centram, ciapier składzie 2223911,53 ukrainskaj hryŭni. Uličvajučy mahčymyja źmieny kursaŭ valut i inšyja arhanizacyjnyja vydatki suma zboru składaje 58 000 jeŭra.
Ad nas z vami zaležyć, ci zmoža Alaksiej viarnucca da aktyŭnaha žyćcia i vajskovaj słužby.
Padtrymać Alaksieja Nazarava svaim achviaravańniem možna pa spasyłcy.
chaj čytaje ŭvažliva ŭmovy kantraktu
u kantrakcie napisana, čto niechta abaviazany viarnuć jamu stračanuju nahu?