Stała viadoma ab 18 paciarpiełych ad rakietnaha ŭdaru pa Zaparožžy, adzin čałaviek zahinuŭ
Pad rasijski abstreł u Zaparožžy patrapili dva dzieviacipaviarchovyja damy. Ciapier viadoma pra 18 paciarpiełych (ź ich dvoje dziaciej 7 i 9 hadoŭ), paviedamiŭ harsaviet. Adzin čałaviek pamior pa darozie ŭ balnicu.
Taksama pa apošniaj infarmacyi, 11 darosłych špitalizavana (ź ich čaćviora znachodzicca ŭ ciažkim stanie, siamiora — u siarednim). Jašče piać čałaviek atrymali miedycynskuju dapamohu na miescy.
Infarmacyja ab maštabach razbureńniaŭ i achviarach udakładniajecca — ich moža być bolš.
Prezident Ukrainy Uładzimir Zialenski prakamientavaŭ udar pa Zaparožžy.
«Heta nie pavinna stać «prosta zvyčajnym dniom» va Ukrainie, dzie zaŭhodna jašče ŭ Jeŭropie ci śviecie. Treba bolš adzinstva i rašučaści śvietu, kab chutčej pieramahčy ruski teror i abaranić žyćcio», — napisaŭ jon.