Rasija ŭdaryła pa Zaparožžy — razburanyja šmatpaviarchoviki
Rasijanie abstrelvajuć Zaparožža. Pad ahniom — vostraŭ Chorcica i šmatpaviarchoviki. Na videa, jakija raspaŭsiudžvajuć u sacsietkach, vidać, jak rakieta traplaje ŭ šmatpaviarchovik — i harać kvatery.
«Rasijanie abstrelvajuć Zaparožža. Pad varožym ahniom — žyłyja damy, taksama vostraŭ Chorcica», — napisaŭ kiraŭnik Ofisa prezidenta Andrej Jarmak.
Infarmacyi ab achviarach pakul niama, ale na fota i videa, jakija raspaŭsiudžvajuć u sacsietkach, vidać maštabnyja razbureńni cełych padjezdaŭ i bujnyja pažary. Z-za takich razbureńniaŭ moža być šmat achviar.
Na najbližejšych vulicach abmiežavali ruch aŭtatranspartu, paviedamiła patrulnaja palicyja Zaparožža.
Snarad trapiŭ u žyły dom. Fota: «Suśpilnie Zaparožža»
Da hetaha ŭ horadzie hučała pavietranaja tryvoha. U 11:20 Zaparožskaja abłasnaja vajennaja administracyja paprasiła ludziej znachodzicca ŭ biaśpiečnych miescach da zakančeńnia tryvohi i nie publikavać fota i videa.
