Znajści
Ałharytmičny łacinski varyjant
21.03.2023 / 12:3710RusŁacBieł

Pahladzicie, jakoje simpatyčnaje stvareńnie ŭnieśli ŭ Čyrvonuju knihu Biełarusi

U Čyrvonuju knihu Biełarusi ŭnieśli kania Prževalskaha.

Heta praduhledžana pastanovaj Ministerstva pryrody i achovy navakolnaha asiarodździa №9 ad 3 sakavika, apublikavanaj na Nacyjanalnym pravavym internet-partale.

Takim čynam, ciapier u Čyrvonaj knizie Respubliki Biełaruś budzie 203 vidy dzikich žyvioł.

Koń Prževalskaha — padvid dzikich koniej, jakija žyvuć u Azii. U Biełaruś hetyja nieparnakapytnyja trapili niezvyčajnym šlacham. Upieršyniu ich zaŭvažyli ŭ našaj krainie ŭ 2007 hodzie ŭ Paleskim radyjacyjna-ekałahičnym zapaviedniku. Koni pryjšli tudy z ukrainskaj častki Čarnobylskaj zony, kudy ich jašče raniej zavieźli z zapaviednika «Askanija-Nova» dla stvareńnia pryrodnaj papulacyi.

Hety vid nazvali ŭ honar ich pieršaadkryvalnika — ruskaha padarožnika, hieohrafa i naturalista Mikałaja Prževalskaha.

U 1878 hodzie jon viartaŭsia z druhoj ekśpiedycyi pa Centralnaj Azii. Na rasijska-kitajskaj miažy adzin z kupcoŭ padaryŭ jamu škuru i čerap dzikaha kania, zdabytyja miascovymi palaŭničymi-kazachami. Prževalski vyrašyŭ daśledavać prezient i adpraviŭ jaho ŭ Zaałahičny muziej u Sankt-Pieciarburhu. Tam i vyśvietliłasia, što škura i čerap naležać raniej nieviadomamu navucy vidu žyvioł.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Voś/adkazać/
21.03.2023
Byli. Inšaj parody, tut pisali. A hetyja ž pad ludzkim dahladam byli, da pary da času.
22.03.2023
Anatol Starkou, ja nie prychilnik Zianona. Cikava jak vy razmaŭlajecie ź nieznajomymi ludźmi. Čałavieka možna vyvieźci ź vioski, a viosku z čałavieka nie))
0
Mozhovied/adkazać/
22.03.2023
1, u jaho adukacyja na nuli, t.b. dla vioski taksama nie prydatny. Dyplamavany baran.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera