Jeŭrapiejski sajuz uzhadniŭ pastaŭku Ukrainie miljona artyleryjskich bojeprypasaŭ ciaham hoda
Krainy Jeŭrasajuza ŭzhadnili pastaŭku Ukrainie miljona artyleryjskich bojeprypasaŭ na praciahu najbližejšych 12 miesiacaŭ. Pra heta paviedamiŭ kiraŭnik jeŭrapiejskaj dypłamatyi Žazep Barel, jaki nazvaŭ heta «histaryčnym rašeńniem».
Fota: AP
Zhodna z płanam, pradstaŭlenym Barelem, krainy ES pavinny «zabiaśpiečyć nieadkładnuju dastaŭku» Ukrainie «vialikaj kolkaści» bojeprypasaŭ, siarod jakich 155-milimietrovyja artyleryjskija snarady z najaŭnych zapasaŭ abo z tych, «jakija čakajuć zamoŭ».
Na realizacyju płana budzie vydzielena dva miljardy jeŭra.
Akramia taho, členy ES damovilisia ab stvareńni kamisii pa naroščvańni vytvorčych mahutnaściaŭ abaronnaj pramysłovaści.
Rašeńnie Jeŭrasajuza vitaŭ kiraŭnik MZS Ukrainy Dźmitryj Kuleba.
«Siońnia 17 dziaržaŭ — členaŭ ES i Narviehija padpisali pahadnieńnie ab sumiesnych zakupkach bojeprypasaŭ dla Ukrainy i svaich nacyjanalnych zapasaŭ. Ja vitaju hety stratehičny krok, jaki nablizić našu pieramohu», — napisaŭ jon u tvitary.
Kiraŭnik Minabarony Ukrainy Alaksiej Reźnikaŭ raniej kazaŭ, što Kijevu terminova patrebnyja artyleryjskija bojeprypasy ŭ vialikaj kolkaści. Pavodle jaho acenki, prapanovy ES pa vykarystańni 1 miljarda dołaraŭ na zakupku snaradaŭ budzie niedastatkova.
Čytajcie taksama:
Ministry zamiežnych spraŭ ES dasiahnuli zhody pa pastaŭcy bojeprypasaŭ Ukrainie
Ukraina budzie mieć tolki adnu sprobu dla vialikaha kontrnastupleńnia — prezident Čechii
ZŠA chutkimi tempami rychtujuć Ukrainu da viasnovaha kontrnastupleńnia
