Znajści
Ałharytmičny łacinski varyjant
20.03.2023 / 19:242RusŁacBieł

U ProStore zaŭvažyli dziŭnuju akcyju, pry jakoj tavar kaštuje daražej, čym bieź jaje. Akazvajecca, heta adhukajecca dziaržaŭnaje rehulavańnie

Adzin z čytačoŭ vydańnia «Anłajnier» zaŭvažyŭ u kramie akcyju, jakaja padałasia jamu nie vielmi łahičnaj: akcyjny tavar byŭ daražejšy za zvyčajny. Chiba nie pavinna być naadvarot? Redakcyja spytałasia ŭ pradaŭcoŭ i atrymała adkaz.

Čytača «Anłajniera» źbiantežyli nastupnyja padliki: kali kuplać dva sousy paasobku za 2,71 i 2,82 rubla, to jany abyducca ŭ 5,53 rubla. Ale kali ŭziać nabor z dvuch sousaŭ, na ceńniku jakoha napisana «akcyjny» i jaki spakavany stužkaj z nadpisam «akcyja», to atrymajecca, što treba addać 6,14 rubla.

Sietka ProStore, dzie čytač zafiksavaŭ takija ceny 12 sakavika, dała padrabiazny adkaz. 

Pavodle jaho, takija dziŭnyja ceny byli sfarmavanyja z ulikam normaŭ pastanovy Savieta Ministraŭ №713 «Ab sistemie rehulavańnia cenaŭ», a taksama praviadzieńnia akcyi na tavar 1 i tavar 2 adnačasova z adsutnaściu akcyi na tavar 3.

U hetym vypadku:

  • Tavar 1 — sous śmiatanny z hrybami Astoria 233 h doj-pak;
  • Tavar 2 — sous syrny Astoria 233 h doj-pak;
  • Tavar 3 — nabor akcyjnych sousaŭ «Sous śmiatanny z hrybami Astoria 233 h doj-pak + Sous syrny Astoria 233 h doj-pak».

Takim čynam, pavodle tłumačeńnia kramy:

«Tavary 1-3 źjaŭlajucca pradmietam rehulavańnia pastanovy, maksimalnaja handlovaja nadbaŭka na nazvanyja tavary moža składać nie bolš za 30%.

Razam z tym, zhodna z častkaj 3 punkta 16 pastanovy: u dalejšym subjekty handlu, jakija ažyćciaŭlajuć roźničny handal, majuć prava pravodzić daacenku reštak spažyvieckich tavaraŭ da ŭzroŭniu adpusknych cen na takija ž tavary, jakija pastupili znoŭ. Pry hetym roźničnyja ceny farmujucca imi šlacham prymianieńnia hraničnaj maksimalnaj handlovaj (z ulikam aptovaj) nadbaŭki da daacenienych adpusknych cen.

Inšymi słovami, novaja roźničnaja cana na tavar uźnikaje ŭ momant jaho prychodu da subjekta roźničnaha handlu ad pastaŭščyka takoha tavaru (jak u bok pavieličeńnia, tak i źmianšeńnia), pry hetym asnoŭnym abaviazkam subjektaŭ roźničnaha handlu źjaŭlajecca zachavańnie patrabavańnia pastanovy.

Heta značyć, subjekty roźničnaha handlu abaviazanyja rabić pamianšeńnie cany ŭśled za cenami, jakija byli źnižanyja pastaŭščykami takich tavaraŭ, pakolki ŭ advarotnym vypadku subjekt roźničnaha handlu pieravysić pamier ustalavanaj hraničnaj handlovaj nadbaŭki».

U hetym vypadku sousy, jakija pradajucca asobna, pastupili ad pastaŭščyka pa źnižanaj canie, u hety čas novych pastupleńniaŭ naboraŭ nie było, tamu cana na ich zastavałasia raniejšaj. Adsiul i situacyja, kali dva pradukty paasobku možna było kupić tańniej, čym nabor.

«Cana na tavar 3 była sfarmavanaja zhodna z normami pastanovy, h. zn., da cany pastaŭščyka była prymienienaja handlovaja nadbaŭka ŭ miežach normaŭ, ustanoŭlenych pastanovaj. Paśla sumiesna z pastaŭščykom tavaraŭ 1-2 była ŭzhodnienaja akcyja na takija tavary sa źnižeńniem cany na ich.

Tavary 1-2 pastupili 09.03.2023 pa źnižanaj canie ad pastaŭščyka, jak vynik, 09.03.2023 byli sfarmavanyja roźničnyja ceny na tavary 1-2, jakija i pradstaŭlenyja na fota. U toj ža čas, pakolki ŭ pieryjad z 09.03.2023 pa 12.03.2023 novych pastupleńniaŭ tavaru 3 nie było, cana na jaho zastałasia raniejšaj.

U siłu nazvanych abstavin my byli abaviazanyja źmienšyć ceny na tavary 1-2, i ŭ toj ža čas u siłu adsutnaści novych prychodaŭ tavaru 3 cana na tavar 3 zastałasia daakcyjnaj», — tłumačać pradaŭcy.

Čytajcie taksama:

Hałoŭčanka skazaŭ, kali ŭ Biełarusi dziaržava pierastanie rehulavać ceny

Łukašenka: U raspuščanaści cen zacikaŭleny miljony ludziej

Urad znoŭ pamianiaŭ sistemu rehulavańnia cen

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Abu/adkazać/
20.03.2023
Marazm macnieŭ...
1
Fiedor/adkazać/
20.03.2023
Vieś etot cirk s cienami był razyhran vrahom naroda łukašienko i jeho svoroj vmiestie s khk, pośle ich cieny nie tolko vyrośli no i ubrali vsie akcii. Łukašienko nužno za sčiet biełorusov opłačivať raźviazannuju im s takim žie priestupnikom putinym vojnu.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera