Administracyi prezidenta Rasii rekamiendavali pazbavicca ad ajfonaŭ
Supracoŭnikam unutrypalityčnaha błoka Administracyi prezidenta Rasii rekamiendavali da pačatku krasavika pazbavicca ad iPhone, zamianiŭšy ich na smartfony inšych vytvorcaŭ.
Biełaruskaja top-čynoŭnica Natalla Kačanava «zaśviaciłasia» sa svaim ajfonam
Takoje ŭkazańnie čynoŭniki atrymali na sieminary, jaki prajšoŭ u pačatku sakavika ŭ Padmaskoŭi. Pra heta haziecie «Kamiersant» raskazali niekalki krynic, jakija prysutničali na mierapryjemstvie.
Pa słovach surazmoŭcaŭ haziety, patrabavańnie źviazana ź mierkavańniami biaśpieki. U administracyi Pucina ličać, što smartfony ad Apple ŭ bolšaj stupieni schilnyja da ŭzłomu i špijanažu z boku zachodnich śpiecyjalistaŭ.
Adna z krynic zajaviła, što čynoŭnikam paraili pamianiać iPhone na madeli z apieracyjnymi sistemami Android, jaje kitajskimi anałahami abo rasijskaj «Aŭroraj».
U Biełarusi takich rekamiendacyj pakul, vidać, niama. Biełaruskich čynoŭnikaŭ i deputataŭ možna pabačyć i z ajfonami, i z ekskluziŭnymi Apple Watch.
