Na Chiersonščynie padarvali aŭto kamandzira ŭzvoda rasijskaj palicyi
U akupavanaj Novaj Kachoŭcy ŭzarvali ŭ aŭto kamandzira ŭzvoda patrulna-pastavoj słužby palicyi RF. Zdaryłasia heta jašče 17 sakavika.
Padarvanaja mašyna kamandzira ŭzvoda PPS u Novaj Kachoŭcy. Skrynšot videa
Pavodle rasijskaha SK, chtości zakłaŭ admysłovuju pryładu pad levaje kryło aŭtamabila VAZ-2121, jaki naležaŭ kamandziru ŭzvoda. Paźniej, kali mužčyna sa svajoj siamjoj jechaŭ na mašynie, zdaryŭsia vybuch.
Supracoŭnik palicyi pamior na miescy, jaho žonka (načalnik adździeła MUS) i dačka atrymali cialesnyja paškodžańni.
Žurnalist Andrej Caplijenka paviedamiŭ, što ŭ padarvanaj na Chiersonščynie mašynie znachodziŭsia kałabarant Siarhiej Maskalenka. Jon składaŭ dla rasijan śpisy, u jakija ŭvachodzili ŭkrainskija aktyvisty, palicyjanty, vieterany. Paźniej atrymaŭ pasadu.
