Na «Biełaruśkalii» dziasiatkami skaračajuć rabotnikaŭ
Na najbujniejšym u Biełarusi kalijnym pradpryjemstvie stali častymi vypadki schavanych skaračeńniaŭ. Stała viadoma pra dziasiatki vypadkaŭ niepraciahnieńnia abo skasavańnia kantraktaŭ z rabotnikami rudaŭpraŭleńniaŭ, piša salidarnast.info.
Na dumku rabotnikaŭ, skaračeńni zakranuli bolš rudniki, čym fabryki pa ŭzbahačeńni rudy. Dla taho, kab nie vyklikać abureńnie ŭ kalektyvie, kantrakty nie praciahvajuć vybaračna ŭ roznych bryhadach.
— Mnohich rabotnikaŭ zvalniajuć pa vynikach miedkamisii, jakuju jany nie prachodziać i ich vyvodziać z šachty. Kali raniej im prapanoŭvałasia pracoŭnaje miesca biez škodnych faktaraŭ, to ciapier naohuł mohuć ničoha nie prapanavać, — raspaviadaje rabotnik pradpryjemstva.
Taksama šmat vypadkaŭ niepraciahnieńnia karotkaterminovych pracoŭnych damovaŭ, asabliva z byłymi aktyvistami niezaležnaha prafsajuza ci tymi, chto byŭ zaŭvažany ŭ pratestach 2020 hoda. Raniej u ŚMI ahučvałasia infarmacyja, što KDB i supracoŭnikami słužby biaśpieki pradpryjemstva ŭ adździeły kadraŭ byli pieradadzienyja śpisy supracoŭnikaŭ kalijnaha pradpryjemstva ź jakimi nieabchodna skasavać pracoŭnyja damovy.
— Pra pamiery zvalnieńniaŭ ciažka kazać, bo rabotniki časta zamoŭčvajuć fakt zvalnieńnia, ale ciapier viadoma pra dziasiatki vypadkaŭ, — adznačyŭ naš surazmoŭca.
Skaračeńnie kolkaści pracoŭnaha kalektyvu pradpryjemstva i vyvadu asobnych cechaŭ u aŭtsorsinh pravodzicca na «Biełaruśkalii» apošnija 6 hadoŭ.
Rabotniki ličać, što takim čynam, za košt źnižeńnia kolkaści rabotnikaŭ bryhad i pavieličeńnia intensiŭnaści pracy dla pracoŭnych, administracyja pavyšaje rentabielnaść pradpryjemstva i pry nieabchodnaści budzie hatovaja pradać jaho. Da taho ž, na situacyju, vidavočna, paŭpłyvali sankcyjnyja abmiežavańni pa realizacyi pradukcyi.
Kali raniej rabotniki, abjadnanyja ŭ niezaležny prafsajuz, mahli vystaŭlać patrabavańni administracyi, praz kalektyŭny dahavor upłyvać na ŭmovy pracy i zarabotnuju płatu, to siońnia na pradpryjemstvie dziejničaje adzin kišenny prafsajuz, jakim kiruje, były namieśnik hiendyrektara Rybak. Ciapier salihorskaje pradpryjemstva całkam pad kantrolem hienieralnaha dyrektara Ivana Hałavataha.
Čytajcie taksama:
Jeŭrasajuz zdymie sankcyi ź biełaruskich uhnajeńniaŭ?
AAN i Brazilija praz Partuhaliju łabirujuć vyvad Huceryjeva i Hałavataha z-pad sankcyj
