Znajści
Ałharytmičny łacinski varyjant
17.03.2023 / 16:351RusŁacBieł

VUP Biełarusi za dva miesiacy hoda ŭpaŭ na 3,6%

VUP Biełarusi pa vynikach studzienia-lutaha 2023 hoda skłaŭ 30,25 młrd rubloŭ u biahučych cenach. Jon źniziŭsia na 3,6% u paraŭnańni z anałahičnym pieryjadam minułaha hoda.

U studzieni padzieńnie pakazčyka składała 5%. Pradukcyjnaść pracy pa VUP źniziłasia na 3,4% da 3813,8 rubla.

Vytvorčaść sielhaspradukcyi ŭ lutym skłała 1,42 młrd rubloŭ va ŭsich katehoryjach haspadarak. Jana vyrasła na 2,3% u paraŭnańni z anałahičnym miesiacam minułaha hoda. U sielhasarhanizacyjach lutaŭski pryrost skłaŭ 2,6% da 1,39 młrd rubloŭ. U cełym za dva miesiacy va ŭsich katehoryjach haspadarak było vyrablena pradukcyi na 3 młrd rubloŭ, što na 2,9% bolš, čym za toj ža pieryjad 2022-ha, a ŭ sielskahaspadarčych arhanizacyjach — na 2,95 młrd rubloŭ, abo na 3,2%, bolš.

Vytvorčaść žyvioły i ptuški ŭ lutym vyrasła na 2,7% da 135,8 tysiačy ton u žyvoj vazie, a za dva miesiacy — na 4,3% da 285,4 tysiačy ton. Nadoi ŭ lutym skłali 605,1 tysiačy ton, što na 4% bolš, čym hod tamu. Za dva miesiacy jany pavialičylisia na 3,8% da 1,26 młn ton.

Pramysłovaja vytvorčaść u lutym skłała 14,16 młrd rubloŭ. Jana vyrasła na 0,5% u paraŭnańni ź lutym 2022 hoda. Za dva miesiacy vytvorčaść u pramysłovaści skaraciłasia na 1,8% da 28,28 młrd rubloŭ. Składskija zapasy znoŭ vyraśli i dasiahnuli 9,05 młrd rubloŭ, što źjaŭlajecca rekordnym pakazčykam. Ich uzrovień skłaŭ 78,2% ad siaredniamiesiačnaha abjomu vytvorčaści.

Inviestycyi ŭ asnoŭny kapitał u minułym miesiacy skłali 2,04 młrd rubloŭ. Jany źnizilisia na 4% u paraŭnańni ź minułym hodam. Skaračeńnie inviestycyj za dva miesiacy skłała taksama 4%. Jany dasiahnuli biez małoha 4 młrd rubloŭ.

U lutym było ŭviedziena ŭ ekspłuatacyju 276, 5 tys. kv. m žylla ahulnaj płoščy, što na 1, 2% bolš, čym za anałahičny miesiac minułaha hoda. Pry hetym budaŭnictva ź dziaržpadtrymkaj skaraciłasia na 5,8% da 83,9 tys. kv. m. Pa vynikach dvuch miesiacaŭ budaŭnictva žylla źniziłasia na 12,6% da 588,2 tys. kv. m, u tym liku ź dziaržpadtrymkaj — na 14,9% da 184,5 tys. kv. m.

Hruzaabarot upaŭ za studzień-luty na 33,6% da 10,88 młrd tona-kiłamietraŭ. Pasažyrskija pieravozki pavialičylisia na 3,9% da 253,6 młn čałaviek.

Abarot aptovaha handlu ŭ lutym skłaŭ 11,48 młrd rubloŭ. Jon źniziŭsia ŭ paraŭnańni ź lutym 2022 hoda na 5,1%. Za dva miesiacy aptovy handal straciŭ 13,3%. Jaho abarot skłaŭ 21,78 młrd rubloŭ.

Lutaŭski abarot roźnicy skłaŭ 5,18 młrd rubloŭ. Jon skaraciŭsia za hod na 4,1%. Pa vynikach dvuch miesiacaŭ abarot roźničnaha handlu ŭpaŭ na 3,5% da 10,5 młn rubloŭ.

U hramadskim charčavańni abarot pakul raście. U lutym jon skłaŭ 340 młn rubloŭ, što na 6,4% bolš, čym za anałahičny miesiac 2022 hoda. U studzieni-lutym pakazčyk vyras na 6% da 699,5 młn rubloŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Načało/adkazać/
17.03.2023
Tolko načało.
Kstati, dannyje za 2022 hod byli sfabrikovannyje biełstatom i hołovčienkom, pod političieskije nuždy łukašienko. V 2022 hodu upali minimum na 8%...
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera