Ukrainskaha kamandzira, jaki raspavioŭ pra drennuju padrychtoŭku žaŭnieraŭ USU, panizili na pasadzie
Jon u adkaz napisaŭ rapart na zvalnieńnie.
Kamandzira bataljona 46-j asobnaj aeramabilnaj bryhady Anatola z pazyŭnym «Kupał» panizili na pasadzie da namieśnika kamandzira bataljona navučalnaha centra paśla taho, jak jon raspavioŭ pra vialikija straty ŭkrainskich sił haziecie The Washington Post, paviedamiła «Ukrainskaja praŭda» sa spasyłkaj na krynicy.
U adkaz vajskoviec napisaŭ rapart na zvalnieńnie. Jak raspavioŭ «Kupał», kamandujučy desantna-šturmavymi vojskami hienierał-major Maksim Mirharadski patłumačyŭ panižeńnie tym, što kali kamandzir zajaŭlaje ab drennaj padrychtoŭcy vajskoŭcaŭ, to «chaj sam ich rychtuje».
Materyjał WP, u jakim raskazvałasia ab prablemach USU z-za strat, vyjšaŭ 13 sakavika. Žurnalisty pahavaryli ŭ tym liku z «Kupałam», padraździaleńnie jakoha zimoj adyšło ad Saladara. Kamandzir raspavioŭ, što sotni sałdat USU prosta pakidali svaje pazicyi, kali bajcy PVK «Vahnier» prasoŭvalisia napierad, i źviazaŭ heta ź niespraktykavanaściu ŭkrainskich vajskoŭcaŭ, mabilizavanych zusim niadaŭna.
Pa słovach «Kupała», za hod vajny z 500 sałdat jaho bataljona zahinuła prykładna 100, jašče 400 — atrymali ranieńni. Heta pryviało da taho, što skład bataljona całkam abnaviŭsia, i jon, zastaŭšysia adzinym prafiesijnym vajskoŭcam, sutykaŭsia ź ciažkaściami pry kiravańni niespraktykavanymi bajcami.
Čytajcie taksama:
ZŠA chutkimi tempami rychtujuć Ukrainu da viasnovaha kontrnastupleńnia
ISW: Za luty vojski Rasii zachapili mienš za 0,04% terytoryi Ukrainy
