Samy vialiki ŭ śviecie samalot «Mrija» pierad vajnoj pavinien byŭ pieralacieć u Hiermaniju, ale čamuści jaho pakinuli na miescy — Bild
Źniščany ŭ aeraporcie Hastomiela pad Kijevam na samym pačatku paŭnamaštabnaj rasijska-ŭkrainskaj vajny samy vialiki ŭ śviecie ŭkrainski samalot «Mrija» napiaredadni ŭvarvańnia Rasii pavinien byŭ pieralacieć u aeraport niamieckaha Lajpcyha, pierakazvaje «Ukrainskaja praŭda» infarmacyju, apublikavanuju ŭ niamieckim vydańni Bild. Ale čamuści jamu nie dali takoha zahadu.
Samalot «Mrija» paśla źniščeńnia
Spravazdača ab rasśledavańni, jakuju padrychtavali praz hod, śviedčyć, što aeraport «Lajpcyh/Hale» za miesiac da ŭvarvańnia Rasii padrychtavaŭ usio dla vyratavańnia «Mrii». Z 26 studzienia 2022 hoda dla «Mrii» ŭ Hiermanii było padrychtavanaje parkovačnaje miesca.
Pavodle Bild: «U aeraport Lajpcyh/Hale An-225 pavinny byli vyvieści na biaśpiečnaje miesca ŭ lutym 2022 hoda pierad uvarvańniem Rasii va Ukrainu… Uviečary pierad pačatkam vajny ekipaž i piłoty sieli ŭ całkam zapraŭleny hruzavy samalot, ale, pa śviedčańniach kapitana Dźmitryja Antonava, im nie dazvolili ŭźlacieć pa ŭkazańni najvyšejšaha kiraŭnictva».
Pradstaŭnik aeraporta Uvie Šuchart paćvierdziŭ vydańniu, što «pieramiaščeńnie An-225 i An-124 było zapłanavanaje na 25 lutaha. Heta było paćvierdžana 21 lutaha. Byli dyskusii pra heta tydniami raniej».
Spadarožnikavyja zdymki aeradroma ŭ Hastomieli pakazvajuć, što najbolš važnyja samaloty byli naŭmysna pakinutyja pad udaram, pakolki astatnija samaloty zastalisia niekranutymi. Kapitan ekipaža Antonaŭ heta paćvierdziŭ: «Tyja, chto prychodziŭ na aeradrom, dakładna viedali, jakija samaloty spraŭnyja, a jakija pieršymi treba było źbić».
Z 2008 hoda «Mrija» 32 razy pryziamlałasia ŭ aeraporcie «Lajpcyh/Hale». U listapadzie 2021 hoda ŭkrainski samalot, naprykład, dastaviŭ 3,5 miljona ekspres-testaŭ na karanavirus.
Čytajcie taksama:Va Ukrainie aryštavali byłych kiraŭnikoŭ pradpryjemstva «Antonaŭ»
Źjavilisia novyja kadry źniščanaha pad Kijevam samaha vialikaha samalota ŭ śviecie
Jak vyhladaje aeraport «Antonaŭ» u Hastomieli pad Kijevam paśla sychodu rasijan
