Znajści
Ałharytmičny łacinski varyjant
16.03.2023 / 18:3530RusŁacBieł

Prapahanda spačatku ich abialała, a paśla źmianiła ton. Što viadoma pra zatrymanych u Polščy biełarusaŭ, jakich vinavaciać u špijanažy na karyść Rasii

41-hadovy Mikałaj Maskalenka, 28-hadovy Uładzisłaŭ Paśmiciucha i jaho dziaŭčyna — 18-hadovaja Maryja Miadźviedzieva. Pra toje, što siarod zatrymanych u Polščy rasijskich špijonaŭ troje hramadzian Biełarusi, pieršymi paviedamili nie polskija viedamstvy i ŚMI, a telehram-kanał, źviazany ź biełaruskimi siłavikami. «Naša Niva» sabrała ŭsio, što pra ich viadoma.

Zatrymanyja biełarusy. Fota: sacsietki zatrymanych i «Kibierpartyzany»

Učora Polšča paviedamiła pra zatrymańnie hrupy ludziej, jakich abvinavačvajuć u špijanažy na karyść Rasii. Siarod ich vyjaviłasia troje biełarusaŭ: heta 41-hadovy Mikałaj Maskalenka, 28-hadovy Uładzisłaŭ Paśmiciucha i jaho dziaŭčyna, 18-hadovaja Maryja Miadźviedzieva. 

Maryja Miadźviedzieva — samaja maładaja špijonka?

Uładzisłaŭ Paśmiciucha i Maryja Miadźviedzieva. Skryn videa z tyktoka Maryi

Maryja Miadźviedzieva vučyłasia ŭ Minskaj himnazii №29 i skončyła jaje ŭ 2021 hodzie. Paśla hod advučyłasia ŭ Minsku na fakultecie žurnalistyki BDU i minułaj vosieńniu vyrašyła pieravieścisia ŭ Varšavu, va Univiersitet ekanomiki i humanitarnych navuk, na śpiecyjalnaść «Sacyjalnyja kamunikacyi i PR».

Z kastryčnika 2022 hoda jana žyvie ŭ Polščy.

Maryja Miadźviedzieva. Fota: jaje instahram

Siabar pary kaža: «Maryja — vielmi davierlivaja i dobraja dziaŭčyna. Jana była vydatnicaj».

Praŭładnyja kanały spačatku pačali pisać chvalebnyja pasty pra dziaŭčynu, ale paśla ich rytoryka źmianiłasia. Vyjaviłasia, što Maryja ŭdzielničała ŭ prateście 16 žniŭnia 2020 hoda i apublikavała fota adtul u instahramie. 

«Žyvie Biełaruś!» Fota ź instahrama Maryi Miadźviedzievaj

Uładzisłaŭ Paśmiciucha maje brata-bliźniuka

Pra Uładzisłava Paśmiciuchu viadoma nie šmat. U 2012 hodzie chłopiec pastupiŭ na fakultet francuzskaj movy Minskaha dziaržaŭnaha linhvistyčnaha ŭniviersiteta.

Tam ža, ale na inšym fakultecie, vučyŭsia jaho brat-bliźniuk Vital, jaki niejki čas pracavaŭ repietytaram ispanskaj movy ŭ Rasii. Uładź niekalki hod tamu padpracoŭvaŭ na Minskim elektramiechaničnym zavodzie imia Kazłova. 

Uładzisłaŭ Paśmiciucha. Fota: jaho staronka Ukantakcie

«Va Uładzia byli dobryja adnosiny ź siamjoj i bratam. Jon vielmi nadziejny i ščodry, a taksama zanadta davierlivy, jak i jaho dziaŭčyna.

Jany z Maryjaj chacieli žyć razam, tamu jon vyrašyŭ pierajechać u Varšavu. Uładź pakul pryhladaŭsia i šukaŭ pracu, pajechaŭ tudy z usimi svaimi źbieražeńniami i, nakolki ja viedaju, jamu taksama dapamahała siamja.

U Polščy jany chacieli abžycca. Čamu ich zatrymali i što jany zrabili, nichto nie razumieje, i heta stała vialikaj niečakanaściu dla ŭsich znajomych», — kaža siabar pary.

Mikałaj Maskalenka, jakoha padazrajuć u špijanažy

Maskalenka Mikałaj. Fota: z pašpartnaj bazy, zdabytaj «Kibierpartyzanami»

Apošni zatrymany — Mikałaj Maskalenka, 41-hadovy bieraściejec, jaki naradziŭsia na terytoryi Ukrainy. Ën fihuruje ŭ zakrytaj bazie asob, jakija majuć prava absłuhoŭvacca ŭ paliklinicy KDB, jakaja stała dastupnaja biełaruskim «Kibierpartyzanam».

Pry hetym Maskalenka supracoŭnikam KDB, kali vieryć bazie «Kibierpartyzanaŭ», nie byŭ. Praŭda, taja baza moža być niapoŭnaja i nie ŭklučać ahienturu Kamiteta.

Kali sam Maskalenka nie pracavaŭ u KDB, to, značyć, što ŭ KDB pracavaŭ jaho baćka — u bazach adznačajecca, što ŭ taho rasijskaje hramadzianstva. Prava absłuhoŭvacca ŭ paliklinicy KDB u Biełarusi majuć supracoŭniki i vieterany KDB, a taksama ich blizkija svajaki. 

Pavodle źviestak «Biełsata», atrymanych ad «Kibierpartyzanaŭ», jon vyjazdžaŭ u Polšču i Ukrainu 250 razoŭ z 2007 pa 2010 hady — chutčej za ŭsio, jon zajmaŭsia pamiežnym handlem.

Zdajecca, mienavita tamu jon časta mianiaŭ pašparty ŭ hety pieryjad — tam zakančvałasia miesca dla štampaŭ.

Viadoma, što paśla hetaha jon pačaŭ pracavać dalnabojnikam i ŭ 2021 hodzie pryjechaŭ z Polščy ŭ Biełaruś na adnym hruzaviku, a praz 11 dzion źjechaŭ u Polšču na inšym. Užo tady ŭ pašparcie jon mieŭ adznaku PP, to-bok, nie byŭ rezidentam Biełarusi i stała žyŭ za miažoj.

Pra Maskalenku praŭładnyja kanały vysunuli supiarečlivyja viersii. Z adnaho boku, jany cytujuć słovy jaho byłoj žonki pra toje, što Mikałaj «vielmi miakki, dobry i čuły čałaviek», a ź inšaha pryplatajuć jaho da niejkich kryminalnych struktur u Polščy, ź jakimi jon byccam byŭ źviazany i jakija jaho «padstavili».

Aficyjnaha kamientara polskich uład nakont hetych biełarusaŭ pakul nie było. U polskich ŚMI i viedamstvach imiony zatrymanych jašče nie nazyvalisia, bo heta zabaroniena polskimi zakonami. Prałukašenkaŭskija telehram-kanały nazvali imiony troch aryštavanych biełarusaŭ pieršymi.

Aficyjnaja infarmacyja pra rasijskuju špijonskuju sietku była apublikavanaja 16 sakavika na aficyjnym sajcie Ministerstva ŭnutranych spraŭ Polščy. Kiraŭnik polskaha MUS Maryjuš Kaminski zajaviŭ, što ŭsiaho było zatrymana 9 «zamiežnikaŭ z-za ŭschodniaj miažy», jakija viali raźviedvalnuju dziejnaść i rychtavali dyviersii ŭ Polščy.

«Zatrymanyja — zamiežniki z-za ŭschodniaj miažy. Šeść ź ich byli źmieščanyja pad vartu da suda. Prakuratura vystaviła im abvinavačańnie ŭ špijanažy na karyść Rasii i ŭdziele ŭ arhanizavanaj złačynnaj hrupoŭcy. U dačynieńni da jašče traich, zatrymanych učora, praciahvajuć vieścisia śledčyja mierapryjemstvy», — raspavioŭ Kaminski.

Pavodle jaho słoŭ, hałoŭnaj metaj špijonaŭ byŭ sabataž dapamohi Ukrainie ŭzbrajeńniami. 

Pa infarmacyi polskaha Ahienctva ŭnutranaj biaśpieki, zatrymanyja za svaju dziejnaść rehularna atrymlivali ŭznaharodžańnie ad rasijskich śpiecsłužbaŭ.

Paviedamlajecca, što dyviersanty zajmalisia sačeńniem za čyhunačnymi puciami ŭ Padkarpackim vajavodstvie — u pryvatnaści, kala aeraporta Jasioncy niepadalok ad Rašava (Žešuŭ), dzie znachodzicca važny punkt pastavak zachodniaj zbroi va Ukrainu. 

«Naša Niva» — bastyjon biełaruščyny

PADTRYMAĆ

Čytajcie taksama:

Polskija ŭłady raskazali, u čym abvinavačvajuć rasijskuju špijonskuju sietku, u jakoj fihurujuć i biełarusy

«Znajšli dakumient za podpisam Budanava». Vyniesieny prysud pa spravie za «ahienturnuju dziejnaść na karyść Ukrainy»

U Litvie znoŭ aryštavali jurysta Mantasa Danielusa, padazravanaha ŭ špijanažy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Bartulis/adkazać/
17.03.2023
Nu da nu da, v otličije ot vas,ia umieju polzovaťsia Huhłom. Kstati diejstvitielno,Tolik pieriejechał iz Bruklina. Siejčas živiot v Bronksie na Kiembridž avieniu. Štaty otkrytaja strana za piatierku vy možietie kupiť oficialnyj rieport s adriesami i tielefonami čiełovieka. Čto ja i sdiełał kohda včiera pisał rieport v FBR na etoho h-na.
0
Maksim Dizajnier/adkazać/
20.03.2023
Karpienkov

Eto dodik kakoj-to pod moim nikom. Ja takije biezymocionalnyje pamiarkounyja kommienty nie pišu)
0
z Krakowa/adkazać/
20.03.2023
Anatol Starkou,nie strasz pan, nie strasz, bo się pan zesrasz.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera