Bolš za 20 rybakoŭ u Połacku ledź nie zastalisia na kryzie na Dźvinie
U Połacku 22 rybaki ledź nie zastalisia na kryzie na race Dźvina. Na dapamohu im pryjšli ratavalniki, u jakich u toj momant byli raptoŭnyja vučeńni, paviedamlaje Viciebskaje abłasnoje ŭpraŭleńnie MNS.
Fota MNS
Incydent adbyŭsia dniom 15 sakavika ŭ akvatoryi Dźviny ŭ rajcentry. Kryha z rybakami raptam adyšła ad bieraha. Viarnucca na sušu im dapamahli rabotniki MNS, jakija ŭ hety čas adpracoŭvali vučebnuju ŭvodnuju pa ratavańni čałavieka, jaki tonie.
Spačatku mužčynam prapanavali samastojna syści ź lodu, adnak kali jany pasprabavali heta zrabić, lod staŭ abłomvacca. Pry dapamozie ratavalnaj doški rabotniki viedamstva naviali pierapravu, rybaki apynulisia na bierazie.
U vyniku incydentu nichto nie paciarpieŭ.
Ratavalniki nahadvajuć: pry vychadzie na lod na čałavieku pavinna być śpiecyjalnaja kamizelka. Padčas rastavańnia ledzianoha pokryva lepš admovicca ad rybałki na lodzie.
