Nad Biełharadam sistema SPA źbiła dźvie rakiety. Paškodžanyja niekalki žyłych i administracyjnych budynkaŭ
U noč na 16 sakavika sistema SPA źbiła dźvie rakiety nad Biełharadam, paviedamiŭ kiraŭnik rehijona Viačasłaŭ Hładkoŭ. Paškodžanyja fasady niekalkich administracyjnych i žyłych budynkaŭ, žychary nie paciarpieli.
U miascovych pablikach paviedamlałasia pra abłomki rakiety, jakija ŭpali niedaloka ad centra horada i paškodzili prajeznuju častku.
Za apošnija čaćviora sutak, zajaviŭ hubiernatar Biełaharodskaj vobłaści ranicaj 16 sakavika, u vyniku «aktyŭnaści z boku praciŭnika» 58 damoŭ atrymali paškodžańni, paciarpieŭ 31 pryvatny aŭtamabil.
«Adnaŭlenčyja raboty ŭžo pačalisia. Trymaju situacyju na svaim kantroli. Usie nieabchodnyja srodki dla adnaŭleńnia žyłych budynkaŭ i pryvatnaha transpartu ŭ nas jość», — dadaŭ Hładkoŭ.
Taksama viadoma, što dva vahony ciahnika paškodžanyja na Biełharadskim vakzale ŭ vyniku abstrełu. Pavodle papiarednich źviestak, adzin sa źbitych snaradaŭ upaŭ u rajonie 3-ha puci. Paśla detanacyi na miescy ŭtvaryłasia varonka pamieram 1 kvadratny mietr. Akramia taho, askiepkami paškodžanaje 21 akno ŭ dvuch vahonach adnaŭlenčaha ciahnika i abšyŭka vahonaŭ. Taksama byŭ pierabity provad vysakavoltnaj linii. Akramia taho, askiepkami inšych źbitych snaradaŭ u horadzie było paškodžana niekalki budynkaŭ i aŭtamabilaŭ. Pavodle papiaredniaj infarmacyi, abstreł pravodziŭsia z boku vioski Kazačaja Łopań u Charkaŭskaj vobłaści. Pavodle najaŭnych danych, u vyniku abstrełu nichto nie paciarpieŭ, paviedamlaje Baza.
Čytajcie taksama: