ZŠA dystancyjna vydalili sakretnuju infarmacyju ź bieśpiłotnika, jaki ŭpaŭ u Čornym mory
Złučanyja Štaty paśpieli vydalić sakretnaje prahramnaje zabieśpiačeńnie ź bieśpiłotnika MQ-9 Reaper pierad tym, jak jon upaŭ u Čornaje mora. Heta zroblena, kab nie dapuścić atrymańnia Rasijaj sakretnaj infarmacyi, paviedamili telekanału CNN dva amierykanskija čynoŭniki na ŭmovach ananimnaści.
Fota ilustracyjnaje
Dystancyjnaje vydaleńnie prahramnaha zabieśpiačeńnia bieśpiłotnika było zroblena paśla jaho sutyknieńnia z dvuma rasijskimi źniščalnikami Su-27 14 sakavika.
Sa słoŭ adnaho z surazmoŭcaŭ CNN, sutyknieńnie adbyłosia prykładna za 72 kiłamietry na paŭdniovy zachad ad Krymskaha paŭvostrava. A ŭpaŭ amierykanski dron prykładna za 112 kiłamietraŭ na paŭdniovy zachad ad Kryma.
Pavodle viersii amierykanskaha boku, rasijskija samaloty skinuli avijacyjnaje paliva na MQ-9, paśla čaho adzin ź ich sutyknuŭsia ź bieśpiłotnikam, paškodziŭšy jaho prapieler.
Sakratar Rady biaśpieki Rasii Mikałaj Patrušaŭ raniej zajaviŭ, što RF pasprabuje znajści abłomki bieśpiłotnika.
Čytajcie taksama:
ZŠA zrabili zachady, kab źbity bieśpiłotnik nie trapiŭ u čužyja ruki