Litoŭskija aŭtapieravozčyki prosiać pavialičyć kolkaść mytnikaŭ na miažy ź Biełaruśsiu
Čerhi hruzavikoŭ u punktach propusku na biełaruska-litoŭskaj miažy praciahvajuć raści. Nacyjanalnaja asacyjacyja aŭtapieravozčykaŭ Litvy prapanavała šlach da vyrašeńnia prablemy.
Pa apošnich źviestkach za sieradu, čas čakańnia na pamiežnym punkcie «Šalčyninkaj» («Salečniki») składaje prykładna 41 hadzinu, što na 20 hadzin bolš, čym na minułym tydni. Samy praciahły čas čakańnia — kala 47 hadzin — na pamiežnym punkcie «Miadzininkaj» («Miedniki»).
Pa słovach hienieralnaha sakratara Nacyjanalnaj asacyjacyi aŭtapieravozčykaŭ Litvy «Linava», jašče na minułym tydni jany źviarnulisia ŭ Ministerstva finansaŭ i kamunikacyj, a taksama ŭ Pamiežnuju słužbu Litvy z prapanovaj nakiravać mabilnyja hrupy ekśpiertaŭ i pavialičyć piersanał.
Nahadajem, što situacyja na miažy abvastryłasia paśla taho, jak Polšča prypyniła rabotu punkta propusku «Babroŭniki» na miažy ź Biełaruśsiu. Zaraz hruzapieravozčyki ź Biełarusi ŭ Polšču mohuć patrapić tolki praz adzin punkt propusku.
Na heta Biełaruś uviała abmiežavańni na ŭjezd fur z polskimi numarami, a Polšča ŭ adkaz abmiežavała ruch biełaruskich hruzavikoŭ i pieravozčykaŭ, jakija nie zarehistravanyja ŭ krainach ES i Jeŭrapiejskaj asacyjacyi svabodnaha handlu.
