Polski vice-ministr: Biełaruś dla nas — maleńkaja fortka, a my dla ich — akno ŭ śviet
Namieśnik ministra ŭnutranych spraŭ i administracyi Polščy Maciej Vonsik u prahramie «Hość padziej» u efiry telekanała «Polsat» 6 sakavika žorstka vykazaŭsia pa biełaruskim pytańni i anansavaŭ novyja rašučyja kroki z boku polskaha ŭrada, kali režym Łukašenki nie spynicca ŭ svaich antypolskich dziejańniach.
Maciej Vonsik. Fota: Polsat News
Pavodle čynoŭnika, urad u Varšavie i tak «dziejničaje davoli žorstka ŭ dačynieńni da Biełarusi», ale ŭ vypadku čaho nie zavahajecca zadziejničać i inšyja, bolš surjoznyja instrumienty.
«Ciapier idzie praca nad uklučeńniem u sankcyjnyja śpisy niekalkich socień čałaviek, jakija naležać da sistemy «pravasudździa» — sudoŭ, jakija vynieśli prysudy, padobnyja da prysudaŭ Andreju Pačobutu», — skazaŭ jon.
Kali situacyja ŭ Biełarusi budzie dalej abvastracca, to nie vyklučana navat, što Polšča «zakryje akno Biełarusi». I bokam, jakim prajhraje, buduć nie palaki:
«Dla nas heta maleńkaja fortka, u toj čas jak dla ich Polšča — akno ŭ śviet».
Ale pry hetym polski vice-ministr padkreśliŭ, što, nasamreč, usio ŭ rukach Minska:
«Možna pajści i inšym šlacham, kali Minsk dakaža, što jamu heta nie ŭsio adno», — skazaŭ jon.
Čytajcie taksama:
Bolš za pałovu palakaŭ chočuć zakryćcia hranicy ź Biełaruśsiu
Jak zakryćcio «Babroŭnikaŭ» i inšyja abmiežavańni paŭpłyvali na dastaŭku tavaraŭ
Polski ekśpiert: Pieramoha Ukrainy moža prynieści ŭ Biełaruś hramadzianskuju vajnu i stratu niezaležnaści
Namieśnik kiraŭnika MUS Polščy skazaŭ, jakoha sihnału čakajuć ad Minska paśla zakryćcia pahranpierachodaŭ
