«Leapard 2» i T-72: čyj snarad bolš mahutny
Va Ukrainu prybyli pieršyja niamieckija tanki «Leapard 2». Vajskovy ekśpiert Aleh Ždanaŭ paraŭnoŭvaje snarady niamieckaha bajavoha tanka (120 mm) sa snaradami, jakija vykarystoŭvaje tank, što znachodzicca na ŭzbrajeńni ŭ rasijskaj armii (125 mm).
«Leapard 2». Fota: Vikipiedyja
U svaim videastrymie ekśpiert vykazaŭ dumku, što, niahledziačy na roźnicu ŭ dyjamietry na karyść T-72, snarad niamieckaha tanka bolš mahutny. Pryčyna hetaha ŭ bolš vysokaj jakaści vybuchovych rečyvaŭ, jakija vykarystoŭvajucca na Zachadzie. Da taho ž korpus snarada zrobleny sa stali bolš vysokaj jakaści. U vyniku ścienki ŭ snaradaŭ zachodniaj vytvorčaści bolš tonkija, što dazvalaje tudy źmiaścić bolš vybuchovaha rečyva.
U snarada savieckaj (postsavieckaj) vytvorčaści bolš toŭstyja ścienki. Tam vykarystoŭvajecca vuhlarodzistaja stal. Jana pavinna być krochkaj, kab raźlatacca na vialikuju kolkaść askołkaŭ. Ale ŭ hetym snaradzie mieniej vybuchovaha rečyva.
Druhi aśpiekt — porach, jaki vykarystoŭvajecca pry vystrale. Niamiecki tank vykarystoŭvaje hatunki porachu lepšyja pa svaim składzie ŭ paraŭnańni z tymi, što vykarystoŭvajuć dla tanka T-72. Hety porach bolš sintetyčny i lepšy, tamu adpaviedna i dalokaść pramoha strełu bolšaja. A heta asnoŭny pakazčyk ahniavych mahčymaściej harmaty tanka. Stralać nieabchodna chutka i trapna.
Ekśpiert dadaŭ, što pa takoj techničnaj charaktarystycy, jak stabilizacyja stvała ŭ chodzie strełaŭ, «Leapard 2» našmat lepšy ŭ paraŭnańni z T-72, što taksama vielmi važna, bo ad hetaha zaležyć dakładnaść.
Čytać jašče:
Ekśpiert patłumačyŭ, što lepšaje: rasijskija BMP ci «Bredli»
