U Kijevie ŭpieršyniu ad pačatku vajny vystupić zachodni muzyčny hurt
Raniej jon pieršym siarod jeŭrapiejcaŭ hraŭ u KNDR.
Słavienski hurt Laibach zapłanavaŭ na 31 sakavika ŭ Kijevie niezvyčajny kancert. Paviedamlajecca, što heta budzie pieršaje vystupleńnie zamiežnaha muzyčnaha kalektyvu ŭ stalicy Ukrainy ź lutaha minułaha hoda.
Słaviency syhrajuć admysłovuju prahramu pad nazvaj «Jeŭrabačańnie». Muzyki Laibach zajavili, što viartajuć konkurs tudy, «dzie ciapier adbyvajecca adzinaje sapraŭdnaje i realnaje bačańnie Jeŭropy».
Nahadajem, što ŭ 2022 hodzie Jeŭrabačańnie vyjhrali ŭkraincy z Kalush Orchestra, ale ŭ metach biaśpieki konkurs pieranieśli ŭ Vialikabrytaniju.
Laibach u 2015 hodzie staŭ pieršym jeŭrapiejskim kalektyvam, jaki daŭ kancert u Paŭnočnaj Karei. Praz dva hady vyjšaŭ dakumientalny film pra hetu padzieju.
https://d367rzjs5oyeba.cloudfront.net/311208