Savinych sprabavaŭ sarvać vystup Cichanoŭskaj pierad PA ABSIE. Ale nie vyjšła, i jon pakinuŭ zału
Pra sprobu kiraŭnika łukašenkaŭskaj delehacyi na pasiadžeńni Parłamienckaj asamblei ABSIE Andreja Savinych pieraškodzić vystupu Śviatłany Cichanoŭskaj paviedamiła pres-słužba apošniaj.
U zale prysutničali ŭsie delehacyi, u tym liku rasijskaja i łukašenkaŭskaja. Kali prezidentka Parłamienckaj asamblei ABSIE Marhareta Sederfielt prapanavała na zaćviardžeńnie paradak dnia, Savinych vystupiŭ z pratestam. Jon zajaviŭ, što Śviatłana Cichanoŭskaja nibyta nie maje prava vystupać, bo «znachodzicca ŭ mižnarodnym vyšuku za sprobu zachopu ŭłady».
Prezidentka PA ABSIE pastaviła pytańnie na hałasavańnie, ale tolki dźvie delehacyi vystupili suprać zaćviardžeńnia — rasijskaja i łukašenkaŭskaja. Savinych pierabiŭ prezidentku i skazaŭ, što delehacyja režymu pakidaje zału ŭ znak pratestu.
Kali vystupaŭ Savinych, šerah delehacyj pakinuła zału.
Čytajcie taksama:
Deputata Savinych u Vienie sustreli vokličam «Žyvie Biełaruś»
U ABSIE rasijan i biełarusaŭ-łukašenkaŭcaŭ pasadzili na zadvorkach, pa-za ałfavitam
Łukašenkaŭskim deputatam vydali vizy dla ŭdziełu ŭ pasiadžeńni ABSIE ŭ Vienie
