Babrujski muziej prapanuje tałakoj sabrać fotaarchiŭ pa historyi rehijona
Babrujski rajonny historyka-krajaznaŭčy muziej źviarnuŭsia da ŭradžencaŭ Babrujščyny, jakija žyvuć u rehijonie i za jaho miežami, z zaklikam pieradavać u muziej fotazdymki, starejšyja za 1960 hod, dla stvareńnia vystavy i papaŭnieńnia fondaŭ.
Muziejnyja rabotniki prosiać dasyłać fotazdymki, źviazanyja sa štodzionnym žyćciom, historyjaj i padziejami ŭ Babrujskim rajonie. Prymajucca fotazdymki, starejšyja za 1960 hod.
Da fota pavinna być dadadzienaje proźvišča, imia, imia pa baćku adpraŭnika, data, hieahrafičnaje stanovišča i karotkaje apisańnie fatahrafii. A taksama kantaktnyja danyja adpraŭnika: chatni adras, telefon, elektronnaja pošta (kali jana jość).
Fotazdymki prymajucca na papiery ci ŭ elektronnym vyhladzie. Kali niemahčyma pieradać aryhinały, to prosiać adpraŭlać ich skany na elektronnuju poštu albo pa Viber, a kantaktnyja źviestki možna znajści tut.
Na asnovie sabranych materyjałaŭ u muziei budzie stvoranaja ekspazicyja «Babrujski rajon u kadry».
