11 čałaviek zahinuli ŭ DTZ z maršrutkaj u Smalavickim rajonie
Siońnia kala 15:00 na 9-m km aŭtadarohi Smalavičy—Šack adbyłosia łabavoje sutyknieńnie hruzavoha aŭtamabila MAZ z maršrutnym taksi.
Na miesca zdareńnia vyjechaŭ ministr unutranych spraŭ Ivan Kubrakoŭ, paviedamlaje MUS.
Dziesiać paciarpiełych u DTZ špitalizavali ŭ Smalavickuju CRB — u adździaleńni reanimacyi i ŭ adździaleńni chirurhii.
Z RNPC traŭmatałohii i artapiedyi na dapamohu miascovym lekaram vyjechała bryhada śpiecyjalistaŭ-traŭmatołahaŭ, z abłasnych balnic (darosłaj i dziciačaj) prybyli pazaštatnyja śpiecyjalisty aniestezijołahi-reanimatołahi i chirurhi dla akazańnia dapamohi lekaram CRB. Razhornutyja try apieracyjnyja, pravodzicca supraćšokavaja terapija.
Siarod 11 zahinułych było dvoje padletkaŭ, piša Ministerstva achovy zdaroŭja.
Dla praviadzieńnia respublikanskaha lačebnaha kansiliumu na miesca vyjechaŭ ministr achovy zdaroŭja Dźmitryj Pinievič.
