U Minsku chłopcy zdali na mietałałom čužoje aŭto, a hrošy patracili niečakana
U Minsku troje maładych ludziej skrali mašynu, zdali jaje na mietałałom, a za atrymanyja hrošy kupili plušavaha miadźviedzia dy paviačerali ŭ restaranie. Pra hetaje zdareńnie ŭ Zavodskim rajonie stalicy paviedamlaje HUUS Minskaha harvykankama.
Fota: HUUS Minharvykankama / Telegram
U milicyju źviarnuŭsia ŭładalnik aŭtamabila «Žyhuli», jaki zajaviŭ, što mašyna źnikła z parkinha handlovaha centra. Pavodle mužčyny, aŭtamabil jon nie zamykaŭ, a złamany kluč zachras u zamku zapalvańnia.
Milicyjanty vyśvietlili, što troje siabroŭ va ŭzroście ad 18 da 20 hadoŭ spačatku skrali z mašyny nabor instrumientaŭ, jaki zdali ŭ łambard za 60 rubloŭ. Hrošy vydatkavali na ałkahol.
Na nastupny dzień jany vyrašyli advieźci aŭtamabil na mietałałom. Na atrymanyja 250 rubloŭ chłopcy nabyli plušavaha miadźviedzia i paviačerali ŭ restaranie.
Suprać chłopcaŭ zaviali kryminalnuju spravu pavodle artykuła «Kradziež».
