Znajści
Ałharytmičny łacinski varyjant
08.02.2023 / 18:2713RusŁacBieł

Śviatłana Cichanoŭskaja ŭ polskim Sienacie: Nas nie zadavolać paŭmiery abo suciašalny pryz

Śviatłana Cichanoŭskaja vystupiła z pramovaj u Sienacie Polščy. U joj jana havaryła pra minułyja i sučasnyja adnosiny polskaha i biełaruskaha narodaŭ, pra ich sučasny stan i budučyniu volnaj Biełarusi ŭ składzie abjadnanaj Jeŭropy.

«Narody Polščy i Biełarusi źviazanyja supolnaj historyjaj. Nas abjadnoŭvajuć Tadevuš Kaściuška i Kastuś Kalinoŭski, Adam Mickievič i Uładzisłaŭ Syrakomla, jakomu sioleta spaŭniajecca 200 hadoŭ. 

Nas abjadnoŭvajuć try hieraičnyja paŭstańni: 1794, 1830 i 1863 hadoŭ. Našyja narody popleč zmahalisia za svaju svabodu i dziaržaŭnaść.

Hetyja podźvihi natchniajuć biełarusaŭ na baraćbu i siońnia — na baraćbu suprać tyraničnaha režymu Łukašenki i impierskaj ahresii Rasii.

Poklič «Za Našu i Vašu Svabodu» staŭ aktualny jak nikoli raniej. Bo baraćba za svabodu — jana nie maje miežaŭ i pavinna stać spravaj i abaviazkam kožnaha!» — tak pačała asnoŭnuju častku svajoj pramovy Śviatłana Cichanoŭskaja, vykazaŭšy pierad hetym padziaku polskaj uładzie i hramadstvu za paśladoŭnuju i aktyŭnuju padtrymku Biełarusi.

Taksama siarod hierojaŭ, jakija abjadnoŭvajuć Biełaruś i Polšču, Cichanoŭskaja zhadała žurnalista i dziejača polskaj mienšaści ŭ Biełarusi Andžeja Pačobuta, jakomu akurat siońnia łukašenkaŭski sud vynies prysud — 8 hadoŭ kałonii ŭzmocnienaha režymu. Taksama jana źviarnuła ŭvahu na tyja antypolskija dziejańni, jakija apošnim časam zrabiŭ režym, i adznačyła, što «važna, kali Polšča pakazvaje prykład pavažlivaha staŭleńnia da identyčnaści biełaruskaj mienšaści na Padlaššy. Hetaksama — kali tyja biełarusy, što niadaŭna apynulisia ŭ Polščy jak uciekačy, adčuvajuć z boku polskaj dziaržavy dapamohu i razumieńnie».

Paśla taho Cichanoŭskaja zapeŭniła, što

«svabodnaja Biełaruś budzie sajuźnikam i siabram dla Polščy. Svabodnaja Biełaruś budzie harantam biaśpieki nie tolki ŭ rehijonie, ale i ŭva ŭsioj Jeŭropie. Svabodnaja Biełaruś budzie najmacniejšaj sankcyjaj suprać Pucina i najlepšaj dapamohaj Ukrainie».

U suviazi z hetym jana zaklikała polskich i ŭvohule zachodnich palitykaŭ nie ŭsprymać biełaruskaje pytańnie jak druhasnaje i vyrašać jaho sumiesna z ukrainskim, nie zdymać jaho z paradku dnia:

«Ale ja časta čuju ad zachodnich palitykaŭ: ciapier nie čas. Spačatku vyrašym pytańnie z Rasijaj i Ukrainaj, a potym budziem vyrašać pytańnie Biełarusi. U ich słovach ja čuju stomlenaść, i nie tolki ad Biełarusi, ale navat i ad Ukrainy. Tak nie pavinna być. Biełaruś — častka prablemy, ale i častka jaje vyrašeńnia. I vyrašać jaje treba ŭ kompleksie.

Ja vieru, što pieramieny ŭ Biełarusi mohuć pačacca našmat raniej, čym mnohim zdajecca. Režym nie adčuvaje siabie ŭpeŭniena i pavodzić siabie tak, nibyta sotni tysiač ludziej usio jašče pratestujuć pad prezidenckim pałacam. Ale, akramia represij, jamu niama čaho prapanavać biełarusam. Łukašenkaŭski režym — palityčny bankrut, a ŭłada jaho trymajecca vyklučna na padtrymcy Pucina. Čym słabiejšy Pucin — tym słabiejšy budzie Łukašenka i naadvarot».

Adpaviedna Cichanoŭskaja zaklikała zachoŭvać paśladoŭnaść dy rašučaść i dapamahać biełarusam u pabudovie svabodnaj Biełarusi. Dla hetaha vielmi važnaja jaje subjektnaść, pradstaŭlenaść na mižnarodnych forumach i placoŭkach, parłamienckich asamblejach Rady Jeŭropy i ABSIE, na ŭsich sustrečach Lublinskaha trochkutnika.

«Biełaruś pavinna mieć jeŭrapiejskuju pierśpiektyvu: heta taja supolnaść, da jakoj my histaryčna naležym. Dla biełarusaŭ važna čuć, što ich baraćba — nie marnaja, što ich čujuć i ich čakajuć u Jeŭropie»,

— padkreśliła Cichanoŭskaja i zaklikała praciahvać padtrymku biełaruskich represavanych, hramadzianskaj supolnaści i ŚMI.

«Ja viedaju, što my hodna projdziem svoj šlach da svabody. I mnie chočacca vieryć, što hetaja bitva ź impieryjaj stanie finalnaj. My skončym spravu, pačatuju paŭstancami Kalinoŭskaha i Kaściuški. I staniem apošnim pakaleńniem, jakoje žyło pad pryhniotam.

Nas nie zadavolać paŭmiery abo suciašalny pryz u vyhladzie «mirnaha nieba nad hałavoj», ale ŭ składzie Rasii. My bolš nie paviadziomsia na ŭhavory dyktataraŭ, bo dobra vyvučyli ŭsie ŭroki, jakija dała nam historyja. I paŭtaryli hetyja ŭroki jašče raz u 2020 hodzie i ŭ lutym 2022 hoda.

Nam nie patrebnyja novyja ŭroki i novyja achviary. Mnie zdajecca, ich było dastatkova. My pavinny razarvać biaskoncy łancuh hvałtu. Pakinuć dyktatury i impierskija avantury ŭ dalokim minułym», — zaviaršyła svaju pramovu Śviatłana Cichanoŭskaja.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
87
Панылы сорам
8
Ха-ха
18
Ого
6
Сумна
9
Абуральна
21
6
Mojša/adkazać/
09.02.2023
daviedka, nievierahodnyja myślać jak jabaćki
0
Antypartyzan/adkazać/
09.02.2023
[Red. vydalena]
0
Maksim Dizajnier/adkazać/
10.02.2023
V sostav Rośsii ja hotov vojti tolko v sostavie Moskovskoho fiedieralnoho okruha. Tam dievki viesiełyje, nie čita našim. A tak łučšie užie Rieč Pospolitaja. No žiť tak, kak siejčas živut ludi v Minskie, ja užie mołču pro ostalnyje riehiony - eto tichij užas. Vsie, kto siuda prijezžajet, sprašivajet, kak vy tut nie śpiliś do sich por. Ja otviečaju, čto śpiliś, i davno, eto śledujuŝieje pokolenije ałkoholikov. Dažie v častnych klinikach odni dieti sidiat, vsie vrači raźbiežaliś. A tie, čto nie raźbiežaliś skoro stanut dołłarovymi millionierami. Jestiestvienno, nie za sčiet prostych ludiej.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031