Znajści
Ałharytmičny łacinski varyjant
08.02.2023 / 16:12RusŁacBieł

U Turcyi adbyłosia siońnia jašče niekalki ziemlatrusaŭ

Ziemlatrus mahnitudaj 5,4 adbyŭsia na paŭdniovym uschodzie Turcyi, vynikaje z danych Jeŭrapiejska-Mižziemnamorskaha siejsmałahičnaha centra (EMSC).

Razburany budynak u Kachramanmarašy. Fota: AP/Hussein Malla

Epicentr ziemlatrusu znachodziŭsia za 61 km na paŭnočny zachad ad horada Adyjamana na hłybini kala 5 km. Ziemlatrus pačaŭsia ŭ 14:11.

Pa danych tureckaha ŭpraŭleńnia pa baraćbie sa stychijnymi biedstvami i nadzvyčajnymi situacyjami, epicentr ziemlatrusu znachodziŭsia kala horada Dahanšechira na paŭnočny zachad ad Adyjamana. Jaho mahnituda skłała 5,3, a epicentr znachodziŭsia na hłybini 13 km. Za apošnija niekalki hadzin u tym ža rajonie adbyłosia jašče try ziemlatrusy mahnitudami 3,2; 3,4 i 4,8, padličyli siejsmołahi.

Jašče niekalki ziemlatrusaŭ adbyłosia ŭ pravincyi Kachramanmaraš. Tam šturški adčuvajucca z ranicy. Kala 8:52 za 58 km na paŭnočny zachad ad adnajmiennaha horada zarehistravali ziemlatrus mahnitudaj 4,6. Taksama ziemlatrus adbyŭsia za 26 km ad Hieksuna i 85 km na paŭnočny zachad ad Kachramanmaraša kala 10:48. Jaho mahnituda skłała 4,8.

Prykładna ŭ 13:26 ziemlatrus mahnitudaj 4,5 adbyŭsia kala horada Nurdahy ŭ pravincyi Hazijantep.

Padziemnyja šturški ŭ Turcyi adčuvajucca z 6 lutaha, kali ŭ pravincyi Kachramanmaraš adbyŭsia razburalny ziemlatrus mahnitudaj 7,7. Ziemlatrus zakranuŭ dziesiać tureckich pravincyj i staŭ najmahutniejšym z 1939 hoda. Kolkaść zahinułych u krainie, pavodle apošnich źviestak, pieravysiła 8,5 tysiačy čałaviek, jašče amal 50 tysiač atrymali ranieńni.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera