Znajści
Ałharytmičny łacinski varyjant
08.02.2023 / 16:5416RusŁacBieł

Maks Korž i Łedzi Haha. U Biełarusi značna pašyryli «čorny śpis» muzykaŭ

U śpisie vykanaŭcaŭ, muzyka jakich zabaronienaja na publičnych imprezach, 87 punktaŭ. Chapaje niečakanych imionaŭ.

Fota: pixabay.com

Jak patłumačyŭ «Našaj Nivie» adzin z pradstaŭnikoŭ ivent-śfiery, taki śpis isnavaŭ jašče z 2020 hoda, ale ciapier jon značna pašyryŭsia. U atrymanym ad Minkulta pieraliku, zrazumieła, jość biełaruskija vykanaŭcy, jakija vystupali suprać hvałtu i režymu Łukašenki: naprykład, heta N.R.M, Navi Band, Hanna Šarkunova, «Lapis Trubiacki», hurt Litesound (čalcy apošniaha ciapier palitviaźni).

Jość u śpisie i Maks Korž.

Zabaranili taksama ŭkrainskich i rasijskich vykanaŭcaŭ, jakija vykazvalisia suprać vajny: u čorny śpis trapili, akramia inšych, DDT, Cina Karal, braty Kanstancin i Valeryj Mieładze, hurt «Mašyna času».

Praŭda, niekatoryja imiony składana patłumačyć. Naprykład, Dźmitryja Kałduna, jaki dahetul vystupaje ŭ Rasii. Ci amierykanskich zorak Šer i Łedzi Hahu.

Śpis zabaronienych artystaŭ, vykładzieny Biełaruskaj radaj kultury. Taki ž atrymaŭ i surazmoŭca «NN» ź ivent-śfiery

Z pačatku hetaha hoda ŭ Biełarusi zabaroniena praviadzieńnie kulturna-vidoviščnych mierapryjemstvaŭ arhanizatarami, nie ŭklučanymi ŭ adpaviedny rejestr. Jak raskazvaje surazmoŭca, paśla Novaha hoda, kali arhanizatary mierapryjemstvaŭ pavinny byli skončyć pracu pa ŭklučeńni ŭ rejestr, da ich pačali zvanić ź Ministerstva kultury. «Nam stali na słovach kazać, što jość vykanaŭcy, jakich nielha prajhravać», — kaža surazmoŭca.

Što budzie, kali parušać sankcyi? Aficyjnaj zabarony na artystaŭ sa śpisa niama, ale, jak dzielicca surazmoŭca, pakarańni ŭsio roŭna strohija: «Kali hraje zabaronienaja pieśnia, ustanova ŭ hety ž dzień vyklučajecca z rejestra i nie moža padavacca na viartańnie tudy, zdajecca, na praciahu hoda. Artyst taksama atrymoŭvaje zabaronu na vystupy na niekalki hadoŭ. Plus jość vielmi vialikija štrafy — jak mnie kazali, ad 50 da 200 bazavych. To-bok, kali ty sabraŭ siabroŭ na dzień naradžeńnia, naniaŭ dydžeja i kavier-bend i niechta ciabie zdaŭ, to buduć takija štrafy i ŭstanovie, i artystu. Prykłady ŭžo jość».

Kali va ŭstanovie budzie hučać zabaronienaja pieśnia, arhanizataraŭ imprezy mohuć aštrafavać «za adstupleńnie ad hastrolnaha paśviedčańnia». Kali ž zahadzia ŭpisać u hastrolnaje paśviedčańnie zabaronienuju pieśniu, to takuju imprezu nie dazvolać. 

Dla niekatorych ustanoŭ, ličyć surazmoŭca, čorny śpis muzykaŭ moža stać sapraŭdnaj prablemaj, bo ŭ pieraliku chapaje papularnych artystaŭ: naprykład, toj ža Maks Korž ź jaho chitami. 

Pa mierkavańni Biełaruskaj rady kultury, śpis moh składacca z udziełam KDB.

«KDB zaŭždy mieŭ dačynieńnie da kantrolu nad efirnaj palitykaj i hastrolnaj dziejnaściu, ale adkazvała za heta Administracyja. Kažuć, ciapier KDB kiruje ŭsioj ideałohijaj u krainie i bolš aktyŭna ŭklučyŭsia ŭ kantrol, kab nie dapuścić valnadumstva», — prakamientavaŭ kiraŭnik Rady Siarhiej Budkin.

«Naša Niva» — bastyjon biełaruščyny

PADTRYMAĆ

Hurt «Daj darohu!» vypuściŭ novy trek — dla ŭsich śmiełych biełarusaŭ

«Kvietka raście ŭ rebrach»: Syndrom Samazvanca vydaŭ ekzistencyjalny albom «Vostraŭ skarhaŭ»

Pussy Riot vypuścili novuju antyvajennuju pieśniu «Mama, nie hladzi televizar»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Janki/adkazać/
09.02.2023
A sitnik što zrabiła, chacha?)


0
Janki/adkazać/
09.02.2023
Korž łašara, admaŭčyvaŭsia, sprabavaŭ pamiž strujek, rabiŭ kantent dla rasiejcaŭ, a ŭsie adno - zabaranili, chachachacha.

Zaraz jon ni režymu ni narmalnym ludziam nie patrebny
0
Adzinaja dziarž mova/adkazać/
09.02.2023
Zavisť płochoje čuvstvo, A heta pra kaho kažacie?
Ja nie maču za łajnom i nie maju racyi =(
Patłumačcie
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera