Žurnalista Andreja Pačobuta asudzili na 8 hadoŭ kałonii

Fota: Sb.by

Palitźniavolenaha žurnalista abvinavačvali ŭ zaklikach da sankcyj (č. 3 art. 361 Kryminalnaha kodeksa), a taksama ŭ raspalvańni inšaj sacyjalnaj varožaści (č. 3 art. 130 Kryminalnaha kodeksa).

U abvinavačańni suprać žurnalista kazałasia, što Pačobut u miedyja nazvaŭ ahresijaj napad SSSR na Polšču ŭ 1939 hodzie. Akramia hetaha, jamu inkryminavali zajavy ŭ abaronu polskaj mienšaści ŭ Biełarusi, artykuły ŭ Gazeta Wyborcza pra biełaruskija pratesty ŭ 2020-m i tekst u Magazyn Polski, napisany ŭ 2006 hodzie i pryśviečany Anatolu Radzivoniku, adnamu z kamandziraŭ polskaha antykamunistyčnaha padpolla na Hrodzienščynie. Taksama viadoma, što ŭvosień 2021 hoda Pačobut admoviŭsia pisać prašeńnie ab pamiłavańni na imia Łukašenki.

4 kastryčnika 2022 hoda KDB dadaŭ žurnalista ŭ «śpis asob, datyčnych da terarystyčnaj dziejnaści».

Andrej Pačobut byŭ zatrymany 25 sakavika 2021 hoda ŭ Hrodnie paśla pieratrusu ŭ svaim domie. Za kratami jon znachodzicca amal dva hady.

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

2

1

2

1

3

22