«Chvoraja, ležačy na padłozie, zakryvała saboj ludziej ad skraźniaku». Byłaja źniavolenaja z Akreścina — pra Nadzieju Astapčuk
Lehiendarnuju biełaruskuju lehkaatletku, pryziorku Alimpijady-2008 Nadzieja Astapčuk zatrymali 15 śniežnia. Z taho času pra jaje vobmal źviestak.
Rasijskaja žurnalistka Kaciaryna Jańšyna znachodziłasia na Akreścina z 5 pa 20 studzienia. Jana raspaviała «Našaj Nivie», što čuła ad svaich sukamiernic pra toje, u jakich umovach u toj čas siadzieła spartoŭka.
Kali Kaciaryna była na CIPie, joj raskazvali, što Astapčuk znachodziłasia ŭ IČU Akreścina. U CIP vielmi śpiakotna, a ŭ IČU, naadvarot, duža choładna.
Pavodle sukamiernic Kaciaryny, spartśmienka zachvareła padčas źniavoleńnia, ale navat u takim stanie, ležačy na padłozie, zakryvała saboj ludziej ad skraźniaku.
Nadzieja Astapčuk na Alimpijadzie ŭ Łondanie — 2012. Fota: AP Photo / Matt Dunham
Raniej były aryštant Akreścina raspavioŭ, što bačyŭ lehkaatletku ŭ kalidorach Akreścina ŭ śniežni 2022 hoda: «Pakul čakali sud, mima pa kalidory na dopyt praviali spartoŭku Astapčuk. Vonkava była spakojnaja, ale vidać, što «hruz na plačach niesła».
Nadzieja Astapčuk — adna z tych spartśmienak, jakija ŭ 2020 hodzie padtrymali pratesty ŭ Biełarusi. Pryčyny zatrymańnia jaje dahetul nieviadomyja.
«Naša Niva» — bastyjon biełaruščyny
PADTRYMAĆFond spartyŭnaj salidarnaści suprać dopusku biełaruskich spartśmienaŭ da Alimpijady na ŭmovach MAK
Navoša: Pieramoha Aryny Sabalenka navat pad niejtralnym ściaham — redkaja nahoda dla samaśćviardžeńnia ludažernaj dyktatury
Biełarusam prapanavali stać azijatami
