Dla čaho ŭ Biełaruś pryjazdžaŭ prapahandyst Sałaŭjoŭ
Rasijski prapahandyst Uładzimir Sałaŭjoŭ pryjazdžaŭ u Biełaruś. U svaim kanale jon apublikavaŭ fota ź biełaruska-ŭkrainskaj miažy, zdymki ź biełaruskimi, a taksama rasijskimi vajskoŭcami, jakich rychtujuć u Biełarusi dla vajny z Ukrainaj.
Usie fota: SolovievLive / Telegram
Pavodle Sałaŭjova, jon naviedaŭ raźmiaščeńnie bajcoŭ biełaruskich SSA i pahraničnikaŭ, parazmaŭlaŭ z raźlikami apieratyŭna-taktyčnaha rakietnaha kompleksu «Iskander» i RSZA «Pałanez», pahladzieŭ na padrychtoŭku vajskoŭcaŭ rehijanalnaj hrupoŭki vojskaŭ Biełarusi i Rasii.
Taksama Sałaŭjoŭ paviedamiŭ, što ŭžo viartajecca z hetaj «nasyčanaj» pajezdki i paabiacaŭ spravazdaču ŭ svaich efirach.
Hod tamu Sałaŭjoŭ byŭ u Biełarusi i ŭziaŭ intervju ŭ Alaksandra Łukašenki, jaki zajaviŭ, što vajny ŭ Jeŭropie nie budzie, a Ukraina nikoli nie budzie vajavać ź Biełaruśsiu.
«Hetaja vajna praciahniecca, Vałodzia, nu maksimum, 3-4 dni. Tam niama kamu suprać nas vajavać», — skazaŭ Łukašenka.
Praź miesiac rasijskija vojski z terytoryi Biełarusi napali na Ukrainu.
