Znajści
Ałharytmičny łacinski varyjant
04.02.2023 / 12:26RusŁacBieł

Pierahledžanyja niekatoryja pakazčyki stanu zdaroŭja da vajskovaj słužby

Ministerstva abarony i Ministerstva achovy zdaroŭja sumiesnaj pastanovaj №1/10 ad 18 studzienia abnavili instrukcyju ab vyznačeńni patrabavańniaŭ da stanu zdaroŭja hramadzian, źviazanych z vajskovym abaviazkam. Dakumient siońnia apublikavany na Nacyjanalnym pravavym internet-partale i ŭstupaje ŭ siłu paśla apublikavańnia, źviarnuŭ uvahu Reform.by.

Ciapier nieprydatnymi da vajennaj słužby ŭ siłach śpiecyjalnych apieracyj pryznajucca hramadzianie z masaj cieła bolš za 100 kh. Raniej nieprydatnymi pryznavalisia hramadzianie z masaj cieła bolš za 90 kh.

Prydatnymi da vajskovaj słužby ź niaznačnymi abmiežavańniami ciapier taksama buduć pryznavacca ludzi z atłuścieńniem II stupieni ź indeksam masy cieła bolš 37 kh/m2.

Takaja ž katehoryja prydatnaści budzie prysvojvacca tym, u kaho dyjahnastavanyja:

— blizarukaść luboha voka ŭ adnym ź mierydyjanaŭ bolš za 6,0 dptr i da 8,0 dptr,

— arteryjalnaja hipiertenzija I abo II stupieni biez paražeńnia orhanaŭ-mišeniaŭ abo AKS,

— hiemaroj biez vypadzieńnia vuzłoŭ,

— branchijalnaja astma pry adsutnaści prystupaŭ bolš za 5 hadoŭ,

— niekatoryja stupieni płoskastupniovaści.

Raniej takija hramadzianie pryznavalisia nieprydatnymi da vajennaj słužby ŭ mirny čas, abmiežavana prydatnymi da vajennaj słužby ŭ vajenny čas. Akramia taho, udakładnienyja pakazčyki prydatnaści dla inšych zachvorvańniaŭ.

U novaj redakcyi zaćvierdžanyja pakazčyki pryznačeńnia pry prachodžańni vajennaj słužby, u tym liku pa kantrakcie i pry pastupleńni ŭ vajennyja navučalnyja ŭstanovy.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera