Znajści
Ałharytmičny łacinski varyjant
03.02.2023 / 23:33RusŁacBieł

Va Ukrainie aryštavali aktyvy kampanii, jakuju ŭznačalvaŭ syn byłoha pasła Biełarusi

Va Ukrainie aryštavali majomaść kampanii «Biełfiert Ukraina», jakuju ačolvaŭ Aleh Vialička, syn byłoha ambasadara Biełarusi va Ukrainie Valancina Vialički. Heta stała viadoma z apublikavanaha sudovaha rašeńnia, u jakim kampanija «Biełfiert Ukraina» sprabavała skasavać aryšt na niekatoruju pradukcyju, uviezienuju va Ukrainu dla realizacyi, piša «Radyjo Svaboda».


Fota: belfert.com.ua

Hetaja kampanija pačała pracavać na rynku Ukrainy ŭ 2003 hodzie. Na toj momant nadzvyčajnym i paŭnamocnym pasłom va Ukrainie pracavaŭ Valancin Vialička (jon pamior u 2018 hodzie, a ŭznačalvaŭ biełaruskuju ambasadu z 2001 da 2016 hoda).

Zasnavalnikam pradpryjemstva spačatku byŭ Biełaruski dziaržaŭny kancern pa nafcie i chimii, a paźniej «Biełaruski naftavy handlovy dom» i navapołacki «Naftan». Kali suprać apošnich dvuch pradpryjemstvaŭ uviali sankcyi, ułaśnikam kampanii staŭ Homielski chimičny zavod.

U statucie praduhledžanaja šyrokaja śfiera dziejnaści kampanii — aptovy handal chimičnaj i sielskahaspadarčaj pradukcyjaj (małako, jajki, charčovy alej, zbožža), naftapraduktami, tytuniom, hruzavyja pieravozki, pieradača ŭ arendu sielskahaspadarčaj techniki i navat daśledavańni kanjunktury rynku i hramadskaj dumki.

Kryminalnuju spravu rasśleduje Hałoŭnaje śledčaje ŭpraŭleńnie Nacyjanalnaj palicyi Ukrainy. Jaje zaviali 20 krasavika 2022 hoda pavodle č. 3 artykuła 258-5 i č. 3 artykuła 212 Kryminalnaha kodeksa Ukrainy (finansavańnie teraryzmu i naŭmysnaje paźbiahańnie apłaty padatkaŭ adpaviedna). Hetyja dziejańni karajucca vialikim štrafam i pazbaŭleńniem voli na termin ad 10 da 12 hadoŭ z pazbaŭleńniem prava zajmacca peŭnym vidam dziejnaści.

Kampanija «Biełfiert Ukraina» ŭvachodziła ŭ pieralik najbolšych padatkapłatnikaŭ Ukrainy. Jana zajmała ŭ im 193-je miesca.

Akrajam taho, u pieraliku 300 najbolšych padatkapłatnikaŭ Ukrainy byli jašče dźvie biełaruskija kampanii. Kampanija «BNK-Ukraina» zajmała 27 miesca, a «BZT-Ukraina» — 205, paviedamiła kampanija «Opiendatabot», jakaja zajmajecca analizam adkrytych źviestak va Ukrainie. 

Aktyvy hetych kampanij taksama byli aryštavanyja praz peŭny čas paśla rasijskaha ŭvarvańnia va Ukrainu.

Čytajcie taksama:

Ukraina ŭviała sankcyi suprać niekalkich biełaruskich kampanij

Zialenski ŭvioŭ sankcyi suprać «Biełaruśkalija» i «Biełhazprambanka»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera