Dla žycharoŭ pryznačanych pad znos pryvatnych damoŭ u Minsku buduć adrazu budavać žyllo ŭ tym ža rajonie
U Minsku płanujuć spačatku budavać damy dla taho, kab pierasialić ludziej, a tolki potym ačyščać zapłanavanyja płoščy, paviedamiła ahienctvu «Minsk-Naviny» načalnica ŭpraŭleńnia žyllovaj palityki Minharvykankama Alena Łukaševič.
«Kab mieć mahčymaść budavać novyja kvartały i nie ŭščamlać u pravach hramadzian, jakija ŭ bolšaści svajoj chočuć zastacca ŭ tym ža samym rajonie, Minharvykankam pryniaŭ rašeńnie ŭ pieršuju čarhu pry zasvajeńni kvartałaŭ uzvodzić damy na tych miescach, dzie miarkujecca znos», — zajaviła jana.
Zakranie heta pierš za ŭsio damy ŭ mikrarajonie Łošyca, na Łahojskam trakcie i vulicach Vałhahradskaj, Siarova, Rozy Luksiemburh, Staletava i Filimonava.
«U pieršuju čarhu buduć uzvodzicca damy, kudy pierasielacca ludzi, a dalej — ačyščacca placoŭki», — paabiacała Łukaševič.
Čytajcie taksama:
U čarzie na palapšeńnie žyllovych umoŭ u Minsku — 179 tysiač siemjaŭ
U 2022 hodzie ŭ Minsku nabyli rekordnuju kolkaść kvater
Stała viadoma, jakija damy źjaviacca na miescy tak i nie dabudavanaha HC «Hulivier»
