Znajści
Ałharytmičny łacinski varyjant
01.02.2023 / 22:597RusŁacBieł

U Zimbabve pabudujuć horad dla bahaciejaŭ, jakim nadakučyła bačyć brud i haleču

Ułady Zimbabve majuć namier realizavać maštabny prajekt pa budaŭnictvie futurystyčnaha horada dla bahaciejaŭ. «Kibiersici» płanujuć uzvodzić na hrošy inviestaraŭ, piša Bloomberg.

Prafinansavany Kitajem novy budynak parłamienta ŭ Maŭnt-Chempden. Fota: AP Images

Zabudova ŭ Maŭnt-Chempdenie, za 11 milaŭ na paŭnočny ŭschod ad Charare, mahła b u pierśpiektyvie stać miescam raźmiaščeńnia nacyjanalnaha parłamienta, štab-kvatery Centralnaha banka, Viarchoŭnaha suda, fondavaj biržy, prezidenckaha pałaca i raskošnych vił.

«U brašury namalavanyja niekranutyja piešachodnyja darožki, vysokija chmaračosy i zichatlivyja handlovyja centry — i ŭsio heta dla šmatnacyjanalnaj hrupy zamožnych žycharoŭ», — adznačajuć žurnalisty. 

Prajekt taksama praduhledžvaje soniečnuju elektrastancyju, jakaja budzie zabiaśpiečvać enierhijaj uvieś horad. Heta važnaja pieravaha dla krainy, u jakoj elektrazabieśpiačeńnie moža adsutničać pa 19 hadzin u dzień.

Mastackaja madel novaha handlovaha centra, zapłanavanaha ŭ «Kibiersici». Krynica: Zim Cybercity

U «Kibiersici» pavinny być pabudavana 250 raskošnych vił koštam bolš za paŭmiljona dalaraŭ kožnaja, a tyja, chto pierajedzie ŭ novy horad, atrymajuć istotnyja lhoty, naprykład, piacihadovyja kanikuły ad vypłaty padatku na prybytak.

Styvien Čan, prafiesar suśvietnaj palityki ŭ Škole ŭschodnich i afrykanskich daśledavańniaŭ u Łondanie, ličyć, što namier pieranieści stalicu ŭ novy horad źviazany ź niežadańniem miascovych elit bačyć «brud i haleču».

Krytyki prajekta, praŭda, staviacca da inicyjatyvy skieptyčna i kažuć, što heta ŭsiaho tolki apošniaja sproba prezidenta Zimbabve adradzić nacyjanalnuju ekanomiku, jakaja amal abvaliłasia.

Čytajcie taksama:

Dola Zimbabve ŭ ekanomicy Biełarusi mizernaja. Čamu tady prapahanda nadaje stolki ŭvahi vizitu Łukašenki ŭ hetuju krainu?

Łukašenka choča zrabić biełaruski handlovy chab u Zimbabve. Ale heta nie toje miesca, «dzie nas nie viedajuć»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
3
American/adkazać/
02.02.2023
Ja mohu razočarovať zimbabvijciev. Horod vy možiet i postroitie no on  prievratitsia v takije žie truŝoby potomu kak  tut dieło nie v miestie , a v mientalitietie. Kak bajdien naviez nielehalnych  mihrantov iz južnoj amieriki v ŃjuJork raźmiestił ich v očień dorohich otielach, a oni prievratili dorohije nomiera v pomojku, hory musora butyłok , piŝievych otchodov . tiepieŕ nielehały nie chotiat sježať v ubiežiŝie dla biežienciev, dieskať dajtie nam doma dla žiźni.  
0
si/adkazać/
02.02.2023
Ńju Vasiuki
02.02.2023
Nu pravilna, navošta hrošy ŭkładać u sacyjalnuju aśvietu hramadzian, budavać škoły, śmiećciepierapracoŭku, lakarni... Pabudujem zakaźnik dla taŭstasumaŭ i atrymajem prybytak tut i zaraz. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera