Ankołahi: U Biełarusi pamienšała śmiarotnaść ad ankałahičnych zachvorvańniaŭ
Za 2022 hod u Biełarusi było vyjaŭlena 50 tysiač novych vypadkaŭ ankałahičnych zachvorvańniaŭ, što na 4 tysiačy mienš, čym u 2019 hodzie, paviedamiŭ na pres-kanfierencyi ŭ Minsku dyrektar RNPC ankałohii i miedycynskaj radyjałohii imia Alaksandrava Siarhiej Palakoŭ.
Fota: omr.by
Pa słovach Palakova, pandemija karanavirusa sapraŭdy paŭpłyvała na źmianieńnie kolkaści vyjaŭlenych złajakasnych utvareńniaŭ. «Adnak śćviardžać, što heta stoadsotkava źviazana z tym, što pacyjenty prosta pierastali chadzić da lekaraŭ, liču nie zusim pravilnym. Takaja tendencyja nazirałasia praktyčna va ŭsich krainach», — adznačyŭ jon.
«Z 2020 hoda adznačyŭsia niaznačny rost kolkaści vyjaŭlenych pacyjentaŭ, ale pa vynikach 2022 hoda jon nie dasiahnuŭ jašče ličbaŭ, jakija byli ŭ 2019 hodzie, — kala 54 tysiač novych pacyjentaŭ», — skazaŭ Palakoŭ.
«Mahu skazać jašče, što ŭ nas pavialičyłasia kolkaść pacyjentaŭ, jakija nazirajucca bolš za piać hadoŭ, i heta davoli značny pakazčyk. Nie pavialičyłasia kolkaść pacyjentaŭ z zapuščanymi formami zachvorvańnia. Zachavaŭsia ŭzrovień vyjaŭleńnia pacyjentaŭ z łakalnymi formami raku, jakija dobra paddajucca lačeńniu», — kanstatavaŭ kiraŭnik RNPC.
U svaju čarhu namieśnik dyrektara pa navukovaj rabocie RNPC ankałohii i miedycynskaj radyjałohii Siarhiej Krasny paviedamiŭ, što ŭ Biełarusi źniziłasia śmiarotnaść ad rakavych zachvorvańniaŭ.
«Apošnija 10 hadoŭ u Biełarusi kolkaść pamierłych była prykładna adnolkavaj — štohod kala 18 tysiač čałaviek. U 2019 hodzie — 18 800. A ŭ 2022 hodzie, pa papiarednich źviestkach, ad złajakasnych utvareńniaŭ pamierła na 4 tysiačy mienš pacyjentaŭ.
Na dumku ankołaha, kali b źmianšeńnie znoŭ vyjaŭlenych vypadkaŭ było źviazana sa źmianšeńniem źviartańnia pacyjentaŭ da lekaraŭ, to śmiarotnaść naadvarot by vyrasła.
Čytajcie taksama:
Ankołah pieraličyŭ pradukty, jakija abaraniajuć ad raku. Jany pavinny być u štodzionnym mieniu
Łukašenka śćviardžaŭ, što kavid moža być «lekam» ad ankałohii. A što pra ŭpłyŭ kavidu na rak pišuć u śviecie?
Što moža pryvieści da raku małočnaj załozy i jak upłyvaje na zdaroŭje hrudziej stres i rehularnaść seksu?
