Znajści
Ałharytmičny łacinski varyjant
01.02.2023 / 23:46RusŁacBieł

Aŭtarka viadomaha dapamožnika pa «raschłamleńni žyćcia» bolš nie padtrymlivaje idealnuju čyściniu

Mary Konda, kansultant pa ŭborcy i aŭtarka biestsielera «Mahija ŭborki, jakaja źmianiaje žyćcio», pierakanała i pakazała tysiačam ludziej, jak navieści doma paradak. Adnak ciapier usio źmianiłasia. Mary kaža, što jaje dom užo nie taki achajny.

Fota: staronka KonMari by Marie Kondo ŭ fejsbuku

Mary taksama maci traich dziaciej.

«U mianie doma biesparadak, ale toje, jak ja baŭlu čas, zdajecca mnie pravilnym u hety pieryjad žyćcia […] Da hetaha času ja była prafiesijanałam va ŭborcy i rabiła ŭsio mahčymaje, kab zaŭsiody padtrymlivać paradak doma […] Ciapier ja admoviłasia ad hetaj idei ŭ dobrym sensie. Dla mianie bolš važna bavić čas ź dziećmi», — skazała spadarynia Konda ŭ intervju The Washington Post.

Niekatoryja ludzi padzialilisia svajoj reakcyjaj u sacyjalnych sietkach i adreahavali stanoŭča, bo narešcie pačuli parady japonskaj kansultantki, jakija nabližanyja da realnaha žyćcia.

«Toj fakt, što Mary Konda, lidar milenijałaŭ, jakich jana vučyła zachoŭvać tolki tyja rečy, što vyklikajuć radaść, pierastała navodzić paradak u svaim domie ciapier, kali ŭ jaje troje dziaciej, sapraŭdy mianie paviesialiŭ», — napisaŭ adzin z karystalnikaŭ tvitara.

«Pračytaŭšy, ja adčuła palohku i narmalnaść svajho ładu žyćcia. U mianie troje dziaciej i ja sprabavała mietad KonMary kožnyja try miesiacy, ale heta prosta nieažyćciaŭlalna. Viadoma, raschłamleńnie patrabuje ŠMAT ČASU, ale trymać svoj dom u čyścini, jak u katałohu IKEA? Heta fizična niemahčyma z tryma dziećmi», — napisała jašče adna karystalnica.

Dla Konda, jakaja kaža, što jaje fiłasofija prybirańnia častkova zasnavanaja na sintaiźmie karennych japoncaŭ, padtrymańnie paradku ŭ domie — heta tolki častka praktyki, piša NPR.

Pa słovach žančyny, «kančatkovaja meta — vypramieńvać radaść štodzień i žyć u radaści». Mary apisvaje hetuju fiłasofiju jak kurašy, što, pavodle jaje słoŭ, prykładna možna pierakłaści ź japonskaj movy jak «ład žyćcia».

Treba skazać, što pazbaŭleńnie ad chłamu — heta nie stolki tendencyja, kolki nieabchodnaść dla mnohich haradžan u Japonii i inšych častkach Azii, dzie kvatery pieršapačatkova maleńkija.

Zhodna z daśledavańniem žylla i ziamiel, praviedzienym japonskim uradam u 2019 hodzie, siaredni pamier doma ŭ Tokia krychu bolšy za 65 kvadratnych mietraŭ. Heta prykładna stolki ž, jak i siaredni pamier kvatery.

Konda, čyje arhanizatarskija zdolnaści dazvolili joj stać hierainiaj dvuch sieryjałaŭ na Netflix, i raniej sutykałasia ź niehatyŭnaj reakcyjaj, u tym liku za toje, što adlustroŭvała akuratnaść jak niešta vyklučna japonskaje, a taksama za toje, što raiła zachoŭvać nie bolš za 30 knih (apošniaje, pavodle jaje słoŭ, było pamyłkaj).

U svajoj pieršaj knizie, jakaja była apublikavanaja ŭ 2010 hodzie, Mary śćviardžała, što rezkaja rearhanizacyja «vyklikaje, adpaviedna, kardynalnyja źmieny ŭ ładzie žyćcia i pohladach».

«Sapraŭdnaja meta naviadzieńnia paradku nie ŭ tym, kab skaracić kolkaść vašych rečaŭ ci rasčyścić prastoru», — kaža Konda. A chutčej — navučycca rabić asensavany vybar i znachodzić zadavolenaść u paŭsiadzionnym žyćci.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera