Znajści
Ałharytmičny łacinski varyjant
31.01.2023 / 17:061RusŁacBieł

Rasija moža dazvolić «Biełavija» nieabmiežavanyja paloty na svaju terytoryju

U Rasavijacyi abmiarkoŭvajecca mahčymaść dazvolić kampanii «Biełavija» nieabmiežavanyja paloty na terytoryju Rasii. Ale rasijskija avijakampanii nastojvajuć, što tady anałahičnyja ŭmovy pavinny być dadzienyja i im, piša «Kamiersant».

Krynica vydańnia, blizkaja da rasijskaha Mintransu, udakładniła, što havorka idzie pra źniaćcie abmiežavańniaŭ dla biełaruskaha boku pa kolkaści rejsaŭ i dastupnych im napramkaŭ u rasijskija harady. Kabataž (paloty ź Minska i dalej unutry RF) i «siomaja svaboda nieba» (rejsy nakštałt Minsk — Sankt-Pieciarburh — Tbilisi) pakul nie praduhledžvajucca.

Zrešty, sens takich prefierencyj dla biełarusaŭ moža być u pierśpiektyvie: kali Rasii spatrebicca kabataž ad zamiežnych kampanij z-za stareńnia fłotu. Praŭda, paśla nakładzienych na «Biełavija» ŭ 2021 hodzie sankcyj ES jaje park skaraciŭsia z 29 da 13 samalotaŭ, ź jakich vosiem Boeing i piać rehijanalnych Embraer.

Dla rasijskich avijapieravozčykaŭ vyhadnaj stanie mahčymaść naroščvańnia pieravozak z rehijonaŭ Rasii ŭ Minsk dla pieralotu ŭ Hruziju. Heta adzinaja kankurentnaja pieravaha ŭ hieahrafii palotaŭ «Biełavija». Asnoŭny patok z Maskvy i Sankt-Pieciarburha, vierahodna, usio adno palacić praź Jerevan, ale «ŭ lubym vypadku, pasažyr vyjhraje ŭ canie», adznačyli surazmoŭcy vydańnia.

Udzielniki rasijskaha rynka zajavili žurnalistam, što ŭ rasijskich rehijonach niedastatkovy popyt, kab lotać u Minsk na samalotach vialikaj umiaščalnaści. Taksama šerah kampanij paskardzilisia na aeraport Minska, jaki dahetul prapanuje im absłuhoŭvańnie pa taryfach dla zamiežnych pieravozčykaŭ. Tym časam «Biełavija» ŭ aeraportach Rasii płacić pa rasijskich taryfach.

Čytajcie taksama:

WSJ: ZŠA zapatrabavali ad Turcyi zabaranić biełaruskim i rasijskim avijakampanijam paloty ŭ krainu na «Boinhach»

«Biełavija» zapuskaje čartarnyja rejsy ŭ Katar

Dziaŭčyna zadała pytańnie, jakoje «ŭzarvała» supołku biełarusaŭ Hiermanii 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
01.02.2023
Čto biełavia čto aerofłot eto samyje opasnyje dla poletov kompanii kotoryje užie śniaty s tiech obsłuživanija mirovymi aviabriendami. Vieś ich udieł razborka i donorstvo haražnoje. Udači vata)
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera